Sep 11

கனடாவில் இலங்கையார் ஒருவரின் சோகமான கதை இது

கடந்த மாதம் ஒண்டாரியோவின் 650 Parliament அடுக்குமாடிக் குடியிருப்பு ஒன்றில் பிடித்த தீ, பலரின் வாழ்வை அடியோடு மாற்றிவிட்டது.

தனது பிள்ளைகளுடன் அந்த அடுக்குமாடிக் குடியிருப்பில் வசித்துவந்த இலங்கையைச் சேர்ந்த பிரவீணா மகேந்திரனும் அவர்களில் ஒருவர்.

இப்போது கனடாவின் செஞ்சிலுவைச் சங்கம் அமைத்துள்ள முகாம் ஒன்றில் தனது பிள்ளைகளுடன் தங்கியிருக்கிறார் அவர். இன்றைய நிலவரப்படி, பிரவீணா தற்காலிகமாக குடியிருக்க ஒரு வீட்டைத் தேடி ஓடிக் கொண்டிருக்கிறார்,ஆசிரியர்களையும், சமூக சேவகர்களையும் தேடி ஓடுகிறார், வீட்டைத் துறந்த பிற குடும்பங்களுடன் துணிகள் வாங்குவதற்காக செல்கிறார், இலவசமாக கொடுக்கப்பட்ட கிஃப்ட் கார்டுகளுடன் மளிகைப் பொருட்கள் வாங்கச் செல்கிறார்.

வீடு தீப்பிடித்ததிலிருந்தே கிட்டத்தட்ட 16 வாரங்களாக இதேதான் நடக்கிறது. ஆகஸ்டு மாதம் 21ஆம் திகதி தனது பிள்ளைகள் படுக்கையில் இருக்க, திடீரென்று மின்சாரம் தடைபடுகிறது.

வீட்டு வேலைகளை இன்னும் முடிக்காத பிரவீணாவின் காதுகளில் ஒரு சிறுமி தீ, தீ, யாராவது உதவுங்கள் என்று கத்தும் சத்தம் கேட்கிறது.

சில துணிமணிகளை மட்டும் அள்ளிக்கொண்டு வீட்டை விட்டு குழந்தைகளுடன் வெளியேறுகிறார் அவர். அன்று அவர் கால் பிளாடர் அறுவை சிகிச்சை ஒன்றிற்காக மருத்துவமனைக்கு செல்ல வேண்டிய நாள். தவிர்த்துப் பார்த்தவரால் வலி பொறுக்க இயலவில்லை.

மருந்துகள் வாங்க மருத்துவமனைக்கு சென்றால் உடனே அறுவை சிகிச்சை செய்ய வேண்டும் என்று கூறிவிட்டார்கள் மருத்துவர்கள்.

உடனே அறுவை சிகிச்சை, மறு நாள் முதல் ஹோட்டல் அறை ஒன்றில் 10 நாட்கள் தங்கல். உதவ யாருமில்லை, ஏனென்றால் அவரது உறவினர்களும் அதே கட்டிடத்தில் வசித்தவர்கள், அவர்களும் முகாம்களில்தான் இருக்கிறார்கள். அறுவை சிகிச்சை முடிந்து பிரவீணா இன்னும் ஓய்வெடுக்கவில்லை.

எப்படியாவது ஒரு தற்காலிக வீட்டைப் பிடிக்க வேண்டும், பின்னர் எப்படியாவது தனது சொந்த அடுக்குமாடிக் கட்டிடத்திற்கு சென்றுவிட வேண்டும், அவ்வளவுதான் பிரவீணாவின் தற்போதைய ஆசைகள்.