Mar 16

ரஷ்யா செல்கிறார் ஜனாதிபதி; 4 ஒப்பந்தங்களில் கைச்சாத்து


ஜனாதிபதி மைத்திரிபால சிறிசேன 3 நாட்கள் பயணம் மேற்கொண்டு எதிர்வரும் 22ஆம் திகதி ரஷ்யாவுக்குப்  பயணம் மேற்கொள்ளவுள்ளார்.

இவ்விஜயத்தின்போது ரஷ்ய நாட்டு ஜனாதிபதி உட்பட நாட்டின் முக்கிய அரச பிரமுகர்களுடன் ஜனாதிபதி பேச்சு நடத்தவுள்ளார்.

அத்துடன், 4 புரிந்துணர்வு உடன்படிக்கைகளிலும் அவர் கைச்சாத்திடவுள்ளார். இதற்குரிய அனுமதியை அமைச்சரவை வழங்கியுள்ளது.

ஜனாதிபதியின் ரஷ்ய பயணத்தின்போது கடற்றொழில் கைத்தொழிலுக்கு பங்களிப்பு வழங்குதல், விஞ்ஞான, தொழில்நுட்பம் மற்றும் புத்தாக்கத்தில் கூட்டிணைவு, குற்றஒழிப்பு மற்றும் பொலிஸ் ஒத்துழைப்பை விருத்தி செய்தல், கலாசாரம் ஆகிய 4 புரிந்துணர்வு ஒப்பந்தங்கள் இருநாட்டுக்குமிடையில் கைச்சாத்திடப்படவுள்ளன.