Sep 10

எண்ணெயை அகற்றுவதற்காக 58 இராணுவ வீரர்கள் , 300 கடற்படையினரும் சேவையில்-முத்துராஜவெல சம்பம்

முத்துராஜவெல எரிபொருள் களஞ்சிய சாலைக்கு எரிபொருள் கொண்டு செல்லும் குழாயில் கசிவு ஏற்பட்டதன் காரணமாக தென் கணக்கான பெற்றோல் கடலில் கலந்துள்ளது. 


ஐக்கிய அரபு இராஜ்ஜியத்திலிருந்து இலங்கைக்கு எரிபொருள் கொண்டுவரப்பட்ட கப்பலிலிருந்து அவ‍ை இறக்கப்படும் சந்தர்ப்பத்திலேயே எரிபொருள் குழயில் கசிவு ஏற்பட்டமை கண்டுபிடிக்கப்பட்டது.

இதனால் உஷ்வெட்டகெய்யாவ முதல் பமுனுகம வரையான கடற்பிராந்தியங்களில் கடற்றொழில் நடவடிக்கையில் ஈடுபட வேண்டாம் என சமுத்திரவியல் பாதுகாப்பு அதிகார சபை மீனவர்களிடம் வேண்டுகோள் விடுத்துள்ளது.

அத்துடன் கடலில் கலந்துள்ள எண்ணெயை அகற்றும் வரை குறித்த கடற்பிராந்தியத்துக்கு வருகை தருவதை தவிர்த்துக் கொள்ளுமாறும் அறிவுறுத்தப்பட்டுள்ளது. 

மேலும் கடலில் கலந்துள்ள எண்ணெயை அகற்றுவதற்காக 58 இராணுவ வீரர்களம் 300 கடற்படையினரும் இணைந்து நடவடிக்கை மேற்கொண்டு வருகின்றனர். 

எவ்வறொனினும் இதற்கு எதிராக சட்ட நடவடிக்கை எடுக்கப்படும் என சமுத்திரவியல் பாதுகாப்பு அதிகார சபை தெரிவித்துள்ளது.