Sep 08

உணவு, நீர், ஆற்றல் வீணாவதைத் தடுத்து, புவியை காக்க வருகிறது கூகுளின் புதிய கருவி!

புவியைக் காக்க கூகுள் நிறுவனம் புதிய கருவியை வடிவமைத்து வருகிறது. 

கூகுள் நிறுவனம் கலிபோர்னியா அகாடமி ஆப் சயின்சஸ் உடன் இணைந்து, புதிய கருவி ஒன்றை உருவாக்கும் முயற்சியில் ஈடுபட்டுள்ளது. இதன் மூலம் உங்கள் ஷவரில் எவ்வளவு தண்ணீர் செலவிடப்பட்டது, எவ்வளவு உணவை தூக்கி எறிந்தீர்கள், தண்ணீரை சூடாக்கும் வெப்பநிலையை குறைப்பது போன்றவற்றை கண்டறிய உதவுகிறது. 

இதற்கு ’உங்கள் திட்டம், உங்கள் கோள்’(Your Plan, Your Planet) என்று பெயரிடப்பட்டுள்ளது. இது சுற்றுச்சூழலை அறிவியல் பூர்வமான வழிகளில் மேம்படுத்த பெரிதும் உதவுகிறது. இதுதொடர்பாக கூகுள் நிறுவனம் கூறுகையில், நம் அனைவருக்கும் ஆரோக்கியமான கோள் தேவை. 

அதைப் பெற தினசரி சிறிய மாற்றங்கள் செய்து முயற்சிக்கலாம். இதற்காக கூகுள் மற்றும் கலிபோர்னியா அகாடமி ஆப் சயின்சஸ் ஆகியவற்றிடம் இருந்து ஆலோசனைகளைப் பெற்றுக் கொள்ளுங்கள். இதைக் கொண்டு மேம்பட்ட புவியை படைக்கலாம் என்று தெரிவித்துள்ளது.