Sep 08

லண்டனில் விஜய் மல்லையா தெனாவட்டான பேட்டி

பல கோடி ரூபாய் வங்கிப் பண மோசடிப் பேர்வழி விஜய் மல்லையா லண்டனிலிருந்து இந்தியா திரும்பப்போவது எப்போது என்று பேட்டி அளித்துள்ளார். 

விஜய் மல்லையா தொழிலதிபர் விஜய் மல்லையா மீது சுமார் 9000 கோடி ரூபாய் வங்கிப் பணத்தை மோசடி செய்த வழக்குகள் பதிவாகியுள்ளன. அறிவிக்கப்பட்ட குற்றவாளியாக உச்சநீதிமன்றத்தால் அறிவிக்கப்பட்ட மல்லையா போலீசுக்கு பயந்து லண்டனில் பதுங்கிவிட்டார். 

இந்நிலையில் மல்லையா லண்டன் கென்னிங்டன் ஓவலில் நடைபெறும் இந்தியா - இங்கிலாந்து அணிகளுக்கு இடையேயான டெஸ்ட் போட்டியைப் பார்க்க வந்துள்ளார். ஆட்டம் முடிந்ததும் அவர் மைதானத்திலிருந்து திரும்பும்போது, ஏ.என்.ஐ. (ANI) செய்தி நிறுவன செய்தியாளர் ஒருவர் பேட்டி கண்டிருக்கிறார்.

நீங்கள் இந்தியாவுக்குத் திரும்பப்போவது எப்போது என்று கேட்டதற்கு, "அதை நீதிபதிதான் முடிவு செய்வார்" எனக் கூறியுள்ளார். மேலும், சில கேள்விக்களைக் கேட்கலாமா என செய்தியாளர் கேட்டதற்கு, "நான் ஊடகங்களுக்கு பேட்டி கொடுப்பதில்லை" எனச் சொல்லிவிட்டு காரில் ஏறி டாட்டா காட்டிவிட்டு செல்கிறார்.