Sep 07

ஜெயலலிதா வாழ்க்கை வரலாறு படத்தில் நடிக்கும் அனுஷ்கா!

இயக்குனர் பாரதிராஜா இயக்கத்தில் உருவாகவுள்ள ஜெயலலிதாவின் வாழ்க்கை வரலாறு படத்தில் ஜெயலலிதா கேரக்டரில் நடிகை அனுஷ்கா நடிக்கவுள்ளார். 

மறைந்த முன்னாள் முதல்வரும் நடிகையுமான ஜெயலலிதாவின் வாழ்க்கை வரலாறு தற்போது படமாக உருவாகவுள்ளது. இந்தப் படத்தை இயக்க இயக்குநர்கள் விஜய், பிரியதர்ஷினி மற்றும் பாரதிராஜா ஆகியோர் இடையே கடும் போட்டி நிலவி வருகிறது. ஏ.எல். விஜய் இயக்கும் படத்தில் ஜெயலலிதா கேரக்டரில் நடிகை வித்யாபாலான் நடிக்கவுள்ளதாக கூறப்படுகிறது. 

இந்நிலையில் இயக்குனர் பாரதிராஜா, ஜெயலலிதா வாழ்க்கை வரலாறு சம்பந்தப்பட்ட படத்தை இயக்கப் போகிறாராம். இந்தப் படத்தை மும்பையை சேர்ந்த பிரபல நிறுவனம் ஒன்று தயாரிக்க இருப்பதாகவும் தகவல்கள் வெளியாகியுள்ளன. இப்படத்தில் ஜெயலலிதாவாக நடிகை அனுஷ்கா நடிப்பதாக கூறப்படுகிறது. இந்தப் படத்தை இயக்கும் பாரதிராஜாவுக்கு, இயக்குநர்கள் அமீர் மற்றும் வெற்றிமாறன் ஆகிய இருவரும் இவருடன் இணைந்து இந்தப் படத்தில் பணியாற்றவுள்ளனர். விரைவில் இந்தப் படத்திற்கான அறிவிப்பு வெளியாகும் என்றே தெரிகிறது.