Sep 06

உலக பட விழாக்களில் கலந்து கொள்ளும் விஜய் சேதுபதியின் ‘சூப்பர் டீலக்ஸ்’!

விஜய் சேதுபதியின் ‘சூப்பர் டீலக்ஸ்’ படம் உலக பட விழாக்களில் கலந்து கொள்கிறது. 

நடிகர் விஜய் சேதுபதியை வைத்து ‘ஆரண்யக் காண்டம்’ படத்தின் இயக்குனர் தியாகராஜன் குமாரராஜா தற்போது இயக்கி வரும் படம் ‘சூப்பர் டீலக்ஸ்’. இந்தப் படத்தில் விஜய் சேதுபதி திருநங்கையாக நடித்துள்ளார்.

திருநங்கை கேரக்டரின் பெயர் ஷில்பா. மேலும் இந்தப் படத்தில் மலையாள படத்தின் முன்னணி ஹீரோ பகத் பாசில், நடிகைகள் சமந்தா, ரம்யா கிருஷ்ணன், காயத்ரி, இயக்குனர் மிஷ்கின் உட்பட பலர் நடித்துள்ளனர். இந்தப் படத்திற்கு யுவன் ஷங்கர் ராஜா இசையமைத்துள்ளார். 

தற்போது படத்தின் படப்பிடிப்பு இறுதிகட்டத்தை நெருங்கியுள்ளது. மேலும் படத்தில் போஸ்ட் புரடெக்ஷன்ஸ் பணிகள் முடிந்த பிறகு படத்தை உலக பட விழாக்களில் திரையிட முடிவு செய்துள்ளனர் படக்குழுவினர். இதற்காக படத்தின் ரிலீஸ் தேதியை ஒரு வருடம் தள்ளிவைக்கவும் முடிவு செய்திருப்பதாக கூறப்படுகிறது.