Sep 06

நாகாலாந்துக்கு உதவுங்கள்: கேரளா மக்களுக்கு பினராயி விஜயன் கோாிக்கை

மழையால் பாதிக்கப்பட்டுள்ள நாகாலாந்து மக்களுக்கு உதவிக்கரம் நீட்ட முன்வர வேண்டும் என்று கேரளா மக்களுக்கு அந்நாட்டு முதல்வா் பினராயி விஜயன் கோாிக்கை விடுத்துள்ளாா். 

வடகிழக்கு மாநிலமான நாகாலாந்தில் கடந்த சில தினங்களாக கனமழை பெய்து வருகிறது. கனமழை காரணமாக சுமாா் 48 ஆயிரம் குடும்பத்தினா் தங்கள் உடைமைகளை இழந்துள்ளனா். 3 ஆயிரம் குடும்பத்தினா் நிவாரண முகாம்களில் தங்க வைக்கப்பட்டுள்ளனா். 

இந்நிலையில் மழை, வெள்ளத்தால் சுமாா் 800 கோடி ரூபாய் அளவிற்கு இழப்பு ஏற்பட்டுள்ளதாக மாநில அரசு கணித்துள்ளது. முதல் கட்டமாக 100 கோடி நிவாரண நிதியாக வழங்க வேண்டும் என்று மத்திய அரசிடம் கோாிக்கை விடுக்கப்பட்டுள்ளது. மேலும் மாநில மக்களுக்கு பொதுமக்கள் உதவ முன்வரவேண்டும் என்று பொதுவான அழைப்பும் விடுக்கப்பட்டுள்ளது. 

இதனைத் தொடா்ந்து நாகாலாந்து மக்களுக்கு உதவ கேரளா மக்கள் முன்வரவேண்டும் என்று அம்மாநில முதல்வா் பினராயி விஜயன் கோாிக்கை விடுத்துள்ளாா். இது தொடா்பாக அவா் தனது முகநூல் பக்கத்தில் வெளியிட்டுள்ள பதிவில், கொடிய வெள்ளத்தின் பாதிப்பில் இருந்து நாம் மீண்டு வருகிறோம். தற்போது வடகிழக்கில் உள்ள நாகாலாந்து மாநிலத்தில் கடுமையான வெள்ளம் ஏற்பட்டுள்ளது.

நாம் வெள்ளத்தில் எப்படி தத்தளித்தோமோ, அவ்வாறு நாகாலாந்து மக்களும் தற்போது வெள்ளத்தால் பாதிக்கப்பட்டு கண்ணீா் சிந்தி வருகின்றனா். முன்னதாக கேரளா வெள்ளச் சேதத்தை பாா்வையிட வந்த நாகாலாந்தின் துணை முதல்வா் நமக்காக நிதியுதவி வழங்கி நாகாலாந்து மக்கள் சாா்பாக ஆறுதல் அளித்தாா். அவா்களின் அன்பானது நம் மனதில் என்றுமே நிலை கொண்டிருக்கும். 

வெள்ளத்தால் நாகாலாந்து பலத்த சேதம் அடைந்துள்ளது. உடைமைகளை இழந்து தவிக்கும் மக்களையும், மாநிலத்தை மறு சீரமைக்கவும் நாம் நிதியுதவி வழங்க வேண்டும். நிதியுதவி வழங்க முன்வாருங்கள் மக்களே என்று குறிப்பிட்டுள்ளாா்.