Jun 09

சமந்தா - நாகசைதன்யாவுக்கு டும் டும் டும்..! தேதி சொல்லவா..?

விண்ணைத்தாண்டி வருவாயா' படத்தின் தெலுங்கு வெர்ஷனில் கார்த்திக் - ஜெஸ்ஸியாக ஆரம்பித்த இவர்களின் காதல் தற்போது நிச்சயம் முடிந்து திருமணத்துக்கு வந்துள்ளது.

தெலுங்கு நடிகர் நாகார்ஜூனாவின் மூத்த மகன், நடிகர் நாகசைதன்யா. அவரும், சமந்தாவும் தெலுங்கில் 3 படங்களில் ஜோடி சேர்ந்து நடித்தபோது காதலித்தனர். இதையறிந்த இருவீட்டு பெற்றோர்களும் அவர்கள் திருமணம் செய்துகொள்ள சம்மதித்தனர். இதையடுத்து சமந்தா, நாகசைதன்யா திருமண நிச்சயதார்த்தம், கடந்த ஜனவரி 29ம் தேதி ஐதராபாத்தில் நடந்தது.இந்நிலையில் சமந்தா, மீண்டும் சினிமாவில் நடிப்பதில் அதிக கவனம் செலுத்தினார்.

இதனால், நாகசைதன்யாவுடன் அவரது திருமணம் நடக்குமா என்ற கேள்வி சினிமா வட்டாரத்தில் எழுந்தது. ஆனால், ஐதராபாத்திலுள்ள வீட்டில் அவர்கள் இருவரும் லிவிங் டூ கெதர் பாணியில் வசித்து வருவதாக தகவல் வெளியானது.இதை இருவரும் மறுக்கவில்லை. தற்போது சமந்தா தமிழ் மற்றும் தெலுங்கில் 5 படங்களில் நடித்து வருகிறார். வரும் அக்டோபர் 1 முதல் 10ம் தேதி வரை எந்தப் படத்துக்கும் அவர் கால்ஷீட் கொடுக்கவில்லை.

காரணம், அக்டோபர் 6ம் தேதி அவருக்கும், நாகசைதன்யாவுக்கும் திருமணம் நடப்பது உறுதி செய்யப்பட்டுள்ளது.இதையொட்டி அவர் 10 நாட்கள் நடிக்க மாட்டார். திருமணம் நடைபெறும் இடத்தைப் பற்றி சமந்தா குறிப்பிடவில்லை. ஆனால், திருமணத்துக்குப் பிறகும் தொடர்ந்து சினிமாவில் நடிக்க முடிவு செய்துள்ளார்.