Sep 05

கருணை உள்ளம் படைத்த ஜனனி ஐயர்!

பிக்பாஸ் ஜனனி, தான் வாங்கிய முதல் சம்பள பணத்தை தனது வீட்டு வேலைக்காரியின் மகனின் படிப்பு செலவுக்கு அளித்துள்ளார். 

நடிகை ஜனனி தற்போது பிக்பாஸ் போட்டியாளர்களில் முக்கிய நபராக இருந்து வருகிறார். இவர் 2009 தமிழ் சினிமாவில் அறிமுகமானார். ‘திரு திரு’, ‘விண்ணை தாண்டி வருவாயா’ போன்ற படங்களில் சின்ன கேரக்டரில் நடித்துள்ளர். அதையடுத்து பாலா இயக்கத்தில் உருவான ‘அவன் இவன்’படத்தில் ஆர்யாவுக்கு ஜோடியாக நடித்தார். அந்தப் படம் இவருக்கு பெயர் வாங்கித் தந்தது. 

அதன் பின் ஜனனி ஐயர் தமிழ் மற்றும் மலையாளத்தில் பல படங்களில் நடித்தார். இருந்தாலும் அவரின் மார்க்கெட் உயரவில்லை. இந்நிலையில் அவர் பிக்பாஸ் நிகழ்ச்சியில் பங்கேற்றுள்ளார். இதற்குப் பிறகு அவருக்கு அதிகமான சினிமா வாய்ப்பு வர வாய்ப்பிருக்கிறது. 

இந்நிலையில் நடிகை ஜனனி ஐயர் முதன் முதலில் வேலைக்கு சேர்ந்து வாங்கிய சம்பளம் ரூ 2500 தானாம். அப்போது அந்த சம்பள பணத்தை தன் வீட்டில் வேலை செய்யும் பெண்ணின் மகனுக்கு ஸ்கூல் பீஸ் கட்ட கொடுத்துவிட்டாராம்.