Sep 05

ஆப்பிளைத் தொடர்ந்து, 1 டிரில்லியன் டாலர் சந்தை மதிப்பை தொட்ட அமேசான்!

1 டிரில்லியன் டாலர் கிளப்பில் இணைந்த இரண்டாவது நிறுவனம் என்ற பெருமையை அமேசான் பெற்றுள்ளது. 

கடந்த ஆகஸ்ட் 2ஆம் தேதி, முதல் முறையாக 1 டிரில்லியன் டாலர் சந்தை மதிப்பை ஆப்பிள் நிறுவனம் பெற்றது. கடந்த 38 ஆண்டுகளாக பொது நிறுவனமாக செயல்பட்டு, இந்த சாதனையை ஆப்பிள் நிகழ்த்தியுள்ளது. 

இந்நிறுவனத்தின் ஐபோன் உள்ளிட்ட சாதனங்களை உலக அளவில் மிகப் பிரபலம். இதனால் விற்பனை அதிகரித்து வருவாயும் பெருகியது. இந்த சூழலில் ஆன்லைன் வர்த்தக நிறுவனமான அமேசான், 1 டிரில்லியன் சந்தை மதிப்பை பெற்று புதிய மைல்கல்லை எட்டியது. 

இதன்மூலம் 1 டிரில்லியன் சந்தை மதிப்பை பெற்ற நிறுவனங்களின் பட்டியலில் ஆப்பிளை அடுத்து இடம்பிடித்த 2வது நிறுவனம் என்ற பெருமையை அமேசான் பெற்றுள்ளது. இது கடந்த 21 ஆண்டுகளாக பொது நிறுவனமாக செயல்பட்டு வருகிறது.