Sep 03

நல்ல திரைப்படம் எடுப்பது போருக்கு செல்வதற்கு ஒப்பானது; நடிகர் சூர்யா!

திரைப்படம் எடுப்பதன் சவால் குறித்து நடிகர் சூர்யா பேசியுள்ளார். 

சென்னை குறும்பட இயக்குநர்களின் விழா ஒன்றில், நடிகரும், தயாரிப்பாளருமான சூர்யா கலந்து கொண்டார். அப்போது பேசிய அவர், தமிழ்நாட்டில் இருக்கும் 8 கோடி பேரில் 50 லட்சம் பேர் தான் ஹிட் படத்தைத் தருகிறார்கள். 

வணிக ரீதியில் பெரிய ஹிட் ஆவதற்கு, 80 லட்சம் பேர் படம் பார்க்கிறார்கள். இவர்களில் குறுகி, வாழ்வில் தோல்வி கண்ட ஒரு குழுவினரை, திரைப்படம் மாற்றியுள்ளது. நீங்கள் எடுத்துக் கொள்ளும் அனுபவம் அனைத்தும், தற்போது போடப்படும் அடித்தளம் மட்டுமே. 

இதிலிருந்து மேலே செல்ல வேண்டும். இடையில் ஒரு சோம்பல் உண்டாகும். அதற்கு மட்டும் இடம் தந்து விடாதீர்கள். நீங்கள் போக வேண்டிய தூரம், குவிக்க வேண்டிய வெற்றிகள் நிறைய உள்ளன.

இந்த மார்க்கெட்டில் சினிமாவில் பாலும் விற்கலாம், கள்ளும் விற்கலாம். இரண்டுமே விலை போகும். ஆனால் எதை விற்கவேண்டும் என்பதை நீங்கள் தான் முடிவு செய்யவேண்டும். எல்லாவற்றுக்கும் இங்கே இடம் இருக்கிறது என்று சூர்யா குறிப்பிட்டார்.