Aug 31

சியோமியின் ரெட்மீ 6, ரெட்மீ 6ஏ, ரெட்மீ 6 புரோ செப்.5-இல் அறிமுகம்??

பட்ஜெட் விலையில் மிகவும் சிறப்பான அம்சங்களைக் கொண்ட ரெட்மீ மொபைல்களின் வரிசையில், அடுத்ததாக ரெட்மீ 6 சீரியஸ் மொபைல்கள் வரும் செப்டம்பர் 5 ஆம் தேதி வெளியாகும் என எதிர்பார்க்கப்படுகிறது. 

சியோமி நிறுவனத்தின் ரெட்மீ சீரியஸ் மொபைல்கள் இந்தியாவில் மிகவும் சிறப்பாக விற்பனையாகி வருகின்றன. அதிலும், கடைசியாக வெளியாகிய ரெட்மீ நோட் புரோ 5 மொபைல், மொபைல் வல்லுநர்கள் மத்தியில் நல்ல வரவேற்பைப் பெற்றுள்ளது. 

இந்நிலையில், ரெட்மீ மொபைல்களின் வரிசையில் அடுத்ததாக ரெட்மீ 6 சீரியஸ் மொபைல்கள் இந்தியாவில் அறிமுகம் செய்யப்பட உள்ளன. இதை உறுதிசெய்யும் விதமாக, சியோமி இந்தியாவின் நிர்வாக இயக்குநர், தனது ட்விட்டர் பக்கத்தில் ட்விட் ஒன்றைப் பதிவு செய்துள்ளார். இந்த 6 சீரியஸில் ரெட்மீ 6, ரெட்மீ 6ஏ, ரெட்மீ 6 நோட் புரோ ஆகிய மூன்று மொபைல்கள் அறிமுகம் செய்யப்படலாம் என கூறப்படுகிறது.

இந்த மொபைல்கள் இந்தியாவில் வெளியாகும் நாள், இதுவரை அறிவிக்கப்படவில்லை என்ற போதும், செப்டம்பர் 5 ஆம் தேதி அன்று புது மொபைல்களை அறிமுகப்படுத்தும் நிகழ்ச்சிக்கு ஊடக நண்பர்களுக்கு அழைப்பு விடுக்கப்பட்டுள்ளது.

இது 6 சீரியஸ் மொபைல்களின் அறிமுக விழாவாகவே இருக்கும் என கூறப்படுகிறது.இந்த மொபைல்கள் ஏற்கனவே கடந்த ஜூன் மாதம் சீனாவில் அறிமுகம் செய்யப்பட்டு, அங்கு நல்ல வரவேற்பைப் பெற்றுள்ளன என்பது குறிப்பிடத்தக்கது.