Aug 29

காஷ்மீர் பிரச்சனைக்கு நாங்கள் தீர்வு சொல்கிறோம்; பாக்., பெண் அமைச்சர் அதிரடி!

நீண்ட காலமாக நீடித்து வரும் காஷ்மீர் பிரச்சனைக்கு தீர்வு இருப்பதாக பாகிஸ்தான் அமைச்சர் கூறியுள்ளார். 

பாகிஸ்தான் நாட்டில் இம்ரான் கான் தலைமையில் புதிய அரசு பதவியேற்றுள்ளது. இதில் மனித உரிமைகள் துறை அமைச்சராக ஷிரீன் மஸாரி உள்ளார். இவருக்கு முன்னதாக பாதுகாப்பு துறை அமைச்சர் பதவி வழங்கப்படும் என்று கூறப்பட்டது. 

இந்நிலையில் தொலைக்காட்சி ஒன்றிற்கு பேட்டியளித்த அவர், நீண்ட காலமான இருக்கும் காஷ்மீர் பிரச்சனைக்கு தீர்வு மாதிரி கிடைத்துள்ளது. இதற்காக பலகாலமாக உழைத்துக் கொண்டிருக்கிறேன். இதுகுறித்து இன்னும் ஒருவாரத்தில் பிரதமர் இம்ரான் கானிடம் தெரிவிக்கப்படும். 

இந்த மசோதா அமைச்சரவையில் தாக்கல் செய்யப்பட்டு ஒப்புதல் பெற நடவடிக்கை எடுக்கப்படும் என்றார்.

ஸ்ட்ராடெஜிக் ஸ்டெடிஸின் பொது இயக்குநராக மஸாரி இருக்கிறார். பாதுகாப்பு மற்றும் ராணுவம் சார்ந்த விஷயங்களில் அதிக ஈடுபாடு கொண்டவர்.இஸ்லாமாபாத்தில் உள்ள குயைத்-இ-அஸாம் பல்கலைக்கழகத்தில் பாதுகாப்பு மற்றும் ஸ்ட்ராடெஜிக் பிரிவில் பேராசிரியராக பணியாற்றியுள்ளார்.

மேலும் தற்போதைய ராணுவத் தலைமையுடன் நெருங்கிய தகவல்தொடர்பில் இருக்கிறார். 

சமீபத்தில் பேட்டி ஒன்றில் கூறிய இம்ரான் கான், காஷ்மீர் உள்ளிட்ட அனைத்து விவகாரங்கள் குறித்தும் இந்தியா உடன் பேச்சுவார்த்தை நடத்த விரும்புவதாக குறிப்பிட்டார்.