Aug 28

கேரளாவுக்கு ரூ.10 லட்சம் நிவாரண நிதி: தமிழ் திரைப்பட தயாரிப்பாளர் சங்கம் அறிவிப்பு!


வெள்ளத்தால் பாதிக்கப்பட்டுள்ள கேரள மக்களுக்கு, ரூ. 10 லட்சம் நிவாரண நிதி வழங்கப்படும் என்று தமிழ் திரைப்பட தயாரிப்பாளர் சங்கம் அறிவித்துள்ளது. 

கடந்த நூறாண்டுகளில் இல்லாத அளவுக்கு மிகப்பெரும் இயற்கை பேரழிவை கேரளா சந்தித்துள்ளது. கனமழையால் ஏற்பட்ட வெள்ளம் மற்றும் நிலச்சரிவில் சிக்கி உயிரிழந்தோரின் எண்ணிக்கை 350க்கும் மேல் உயர்ந்துள்ளது. இந்நிலையில் வெள்ளப்பாதிப்பினால் மாநிலம் முழுவதும் சுமார் 30 ஆயிரம் கோடி அளவுக்கு சேதம் ஏற்பட்டுள்ளதாக முதல்வர் பினராயி விஜயன் அறிவித்துள்ளார். 

இதனிடையே வெள்ள பாதிப்பில் இருந்து கேரள மக்களை மீட்டெடுக்க பல்வேறு மாநில மக்களும் உதவிக்கரம் நீட்டி வருகின்றன. அந்தவகையில் ஏராளமான தமிழ் நடிகர்களும் தங்களால் முயன்ற நிவாரண நிதியை வழங்கி வருகின்றனர். 

இந்நிலையில், வெள்ளத்தால் பாதிக்கப்பட்டுள்ள கேரள மக்களுக்கு, ரூ. 10 லட்சம் நிவாரண நிதி வழங்கப்படும் என்று தமிழ் திரைப்பட தயாரிப்பாளர் சங்கம் அறிவித்துள்ளது.