Aug 28

சொன்ன மாதிரி மகத்துக்கு ஓங்கி பளார் விட்ட சிம்பு!

பிக் பாஸ் வீட்டைவிட்டு வெளியேறிய மகத்தை, அவரின் நெருங்கிய நண்பர் சிம்பு பளார் விட்ட விடியோ வைரலாகி வருகிறது. 

தனியார் தொலைக்காட்சியில் பிக் பாஸ் சீசன்2 நிகழ்ச்சி வெற்றிகரமாக நடந்து வருகிறது. முதல் சீசனை தொகுத்து வழங்கிய கமல்ஹாசன், இந்த இரண்டாவது சீசனை தொகுத்து வழங்கி வருகிறார். 

இந்நிலையில் சமீபத்தில் மகத் பிக்பாஸ் வீட்டை விட்டு வெளியேறினார். அதிகளவில் அடிதடி சண்டையில் ஈடுபட்டதால் மகத்தின் பெயர் சிவப்பு அட்டையில் இருந்தது. இந்நிலையில் பிக் பாஸ் வீட்டுக்குள் அடாவடி செய்த மகத் வெளியே வந்த பின் அடிப்பேன் என அவரின் நெருங்கிய நண்பரான சிம்பு தெரிவித்திருந்தார்.

தற்போது அதை செயலாக்கியுள்ளார் சிம்பு. வெளியே வந்த மகத் சிம்புவை சந்தித்துள்ளார். அப்போது அவரது கண்ணத்தில் பளார் விட்டார் சிம்பு. இந்த வீடியோ சமூக வலைதளத்தில் வைரலாக பரவி வருகிறது.