Aug 27

ஆசிய விளையாட்டு: இந்திய ஹாக்கி அணி 5-0 என வெற்றி

ஆசிய விளையாட்டுப் போட்டியில் பெண்களுக்கான ஹாக்கி போட்டியில் இந்திய அணி 5-0 என்ற கோல் கணக்கில் தாய்லாந்து அணியை வீழ்த்தியது. 

18வது ஆசிய விளையாட்டு போட்டிகள் இந்தோனேஷியா நாட்டின் ஜகர்தாவில் ஆகஸ்டு 18 முதல் செப்டம்பர் 2 வரை நடைபெறுகிறது. இதில் இன்று நடைபெற்ற பெண்களுக்கான ஹாக்கி போட்டியில் பி பிரிவில் இடம்பெற்றுள்ள இந்திய அணியும் தாய்லாந்து அணியும் மோதின. 

இப்போட்டி முழுவதும் ஆதிக்கம் செலுத்திய இந்திய வீராங்கனைகள் 5 கோல்கள் போட்டு அசத்தினர். தாய்லாந்து அணி தரப்பில் ஒரு முறைகூட பதில் கோல் அடிக்காததால் இந்திய அணி 5-0 என அபார வெற்றி பெற்றது. இதன் மூலம் தொடரில் தோல்வியே சந்திக்காத அணியாகத் திகழ்வதுடன் அரையிறுதிக்கும் முன்னேறியுள்ளது.