Aug 27

ஃபார்முலா-1’ பெல்ஜியன் கிராண்ட் பிரிக்ஸ் : சாம்பியன் பட்டம் வென்றார் வெட்டல்!

கார்பந்தயத்தின் பெல்ஜியன் கிராண்ட் பிரிக்ஸில் பெராரி அணியின் ஜெர்மனி வீரர் செபாஸ்டியன் வெட்டல் சாம்பியன் பட்டம் வென்றார். 

உலகின் பல்வேறு நாடுகளில் ஆண்டுதோறும் ஃபார்முலா-1 கார்பந்தயம் நடப்பது வழக்கம். இந்த ஆண்டுக்கான தொடர் மொத்தம் 21 சுற்றுகளாக நடக்கிறது. இதன் 13வது சுற்றுக்கான ஃபைனல் போட்டி ஸ்பா-பிரான்கோர்சாம்ஸ் நடந்தது. 

சீறிப்பாய்ந்த வெட்டல்..... 

இதில் பெராரி அணியின் ஜெர்மனி வீரர் செபாஸ்டியன் வெட்டல் முதலிடம் பிடித்தார். மொத்தமாக 44 சுற்றுகள் கொண்ட இந்த போட்டியில் வெட்டல், பந்தய எல்லையை 1.23.34.476 நிமிடத்தில் கடந்து முதலிடம் பிடித்தார். இந்த வெற்றியின் மூலம் வெட்டலுக்கும் 25 புள்ளிகள் கிடைத்தது. இதையடுத்து இந்த ஆண்டுக்கான தொடரில் மொத்தமாக 231 புள்ளிகள் பெற்ற ஹாமில்டன், சாம்பியன்ஷிப் வீரர்கள் பட்டியலில் ‘நம்பர்-1’ இடத்தில் நீடிக்கிறார். 

பெராரி வீரர் செபாஸ்டியன் வெட்டல் (214 புள்ளிகள்) இரண்டாவது இடத்தில் உள்ளார். பின்லாந்தின் பெராரி வீரர் கிமி ரெய்கோனன் (146) மூன்றாவது இடத்தில் உள்ளார்.