Aug 27

புளோரிடாவின் ஜாக்சன்வில்லே துப்பாக்கி சூடு : 4 பேர் மரணம், பலர் படுகாயம்!

புளோரிடாவின் ஜாக்சன்வில்லேவில் மர்ம நபர்கள் திடீரென துப்பாக்கி சூடு நடத்தியதில் 4 பேர் உயிரிழந்ததாகவும் , பலர் படுகாயம் அடைந்துள்ளதாகவும் அப்பகுதி போலீசார் தகவல் தெரிவித்துள்ளனர். 

புளோரிடாவின் ஜாக்சன்வில்லேவில் எனும் பொழுது போக்கு, ஷாப்பிங், விளையாட்டு உள்ள லேண்டிங் பொது இடம் உள்ளது. அங்குள்ள விடியோ கேம் விளையாட்டு தொடர் நடத்தப்படுகிறது. இந்நிலையில் அங்கு மேடன் கால்பந்து போட்டி துவங்கியது.

இந்நிலையில் திடீரென துப்பாக்கியை எடுத்த மர்ம நபர்கள் கண்மூடித்தனமாக சுடத்துவங்கினார். இதில் 4 பேர் உயிரிழந்ததாக போலீசார் தகவல்கள் தெரிவித்துள்ளனர். தவிர, அலறியடித்து பொது மக்கள் ஓடியதால், கூட்ட நெரிசல் ஏற்பட்டது.

இதில் சிக்கி பலரும் படுகாயம் அடைந்துள்ளதாகவும் அப்பகுதி போலீசார் தகவல் தெரிவித்துள்ளனர். இந்நிலையில் இரண்டு நாட்களுக்கு முன் இதே பகுதியில் உள்ள உயர்நிலைப்பள்ளியில் நடந்த கால்பந்து விளையாட்டின் போது துப்பாக்கி சூடு நடந்தது. அதில் ஒருவர் உயிரிழந்தார்.

இருவர் காயமடைந்தனர். இந்நிலையில் தற்போது மீண்டும் நடந்துள்ள இந்த கூட்டு துப்பாக்கி சூடு சம்பவம், அப்பகுதி மக்களிடம் அச்சத்தை ஏற்படுத்தியுள்ளது. இந்நிலையில் மர்ம நபர்களில் ஒருவர், தன்னைத்தானே சுட்டுக்கொண்டு உயிர்ழந்ததாகவும் போலீசார் தகவல் தெரிவித்துள்ளனர்.