Aug 25

எங்களுக்கு ரூ. 2000 கோடி வேணும்: கர்நாடக முதல்வர் குமாரசாமி!

வெள்ளத்தால் பாதிக்கப்பட்ட கர்நாடகா மாநிலத்துக்கு ரூ. 2000 கோடி வேணும் என அம்மாநில முதல்வர் குமாரசாமி பிரதமர் மோடிக்கு கடிதம் எழுதியுள்ளார். 

கேரளாவை தொடர்ந்து கர்நாடகாவின் மேற்கு தொடர்ச்சி மலையை ஒட்டியுள்ள குடகு மற்றும் தக்‌ஷின கர்நாடகா பகுதிகளில் வரலாறு காணாத கனமழை கொட்டியது. 

குடகு மாவட்டத்தில் வெள்ள பாதிப்பில் சிக்கித்தவித்த 1459 பேர் மீட்கப்பட்டு பாதுகாப்பு முகாம்களில் தங்க வைக்கப்பட்டுள்ளனர். அதேபோல தக்‌ஷின கன்னடாவின் 802 பேர் மீட்கப்பட்டு முகாமிற்கு அனுப்பப்பட்டுள்ளனர். இந்நிலையில் கடந்த ஆகஸ்ட் 14 முதல் 22 வரை பெய்த இந்த வெள்ள பாதித்தப்பால், 17 பேர் உயிரிழந்துள்ளனர். 2,200 பேர் வீடுகளை இழந்துள்ளனர்.

இது தொடர்பாக கர்நாடக மாநில முதல்வர் குமாரசாமி, பிரதம் மோடிக்கு எழுதியுள்ள கடிதத்தில், வெள்ளம் பாதித்த பகுதிகளை சீரமைக்க, ரூ. 3000 கோடி தேவை. அதனல் மத்திய அரசு ரூ. 2000 கோடியை உடனடியாக வழங்க வேண்டும் என குறிப்பிட்டுள்ளார்.