Aug 24

யார் சொன்னாலும் உன் பேட்டிங் ஸ்டைலை மாற்றிவிடாதே- பிரித்வி ஷாக்கு சச்சின் அறிவுரை

இங்கிலாந்துக்கு எதிரான டெஸ்ட் தொடருக்கு அழைக்கப்பட்டுள்ள இந்திய வீரர் பிரித்வி ஷாவின் பேட்டிங் குறித்து ஜாம்பவான் சச்சின் டெண்டுல்கர் கருத்து தெரிவித்துள்ளார். 

இங்கிலாந்துக்கு சுற்றுப் பயணம் மேற்கொண்டுள்ள இந்திய அணி தற்போது டெஸ்ட் தொடரில் விளையாடி வருகின்றது. 3 டெஸ்ட் முடிவில் இங்கிலாந்து 2-1 என முன்னிலை வகிக்கின்றது. 

மீதமுள்ள 2 டெஸ்ட் போட்டிக்காக இந்திய அணிக்கு பிரித்வி ஷா, ஹனுமா விஹாரி அழைக்கப்பட்டுள்ளனர். 

19 வயதுக்குட்பட்டோருக்கான உலகக் கோப்பை தொடரை வென்று கொடுத்த இந்திய கேப்டன் பிரித்வி ஷா அழைக்கப்பட்டுள்ளதற்கு சச்சின் மகிழ்ச்சி தெரிவித்துள்ளார். 

சச்சின் பேசியதாவது :

பிரித்வி ஷாவுக்கு 8 வயதிலேயே சச்சின் தனது ஆலோசனை வழங்கியுள்ளார். அதை தற்போது அவர் வாயாலேயே மீண்டும் தெரிவித்துள்ளார். 

அதில், எதிர்காலத்தில் உன் பேட்டிங் முறை, உத்திகள், பந்தை எதிர் கொள்ளும் விதம் உள்ளிட்டவற்றில் மாற்றக் கூறினால் என்னிடம் சொல், நான் பேசிக் கொள்கிறேன் என கூறியுள்ளார். 

உன்னை போன்ற ஒரு ஸ்பெஷல் கிரிக்கெட் வீரரை பார்த்ததில்லை, நீ ஒரு முழுமையான பேக்கேஜ். நீ கடவுளின் வரப்பிரசாதமாக உள்ளாய். 

ஒரு பயிற்சியாளரிடம் பயிற்சிக்கு செல்லும் போது சில ஆலோசனைகள் கூறுவார். ஆனால் அது இயற்கையாக ஒரு பேட்ஸ்மேன் அல்லது பவுலரிடம் உள்ள திறனை மாற்றுவதாக இருக்கக் கூடாது. அவற்றை மேம்படுத்துவதாக தான் இருக்க வேண்டும். 

அந்த வகையில் உன் பேட்டிங் உத்தி மிக அருமை. பிரித்வி ஷாவின் ஆட்டம் மேம்படுத்துவது குறித்து என்னை எனது நண்பர்கள் கேட்டுக் கொண்டபோது, இதைக் கூறினேன். 

மேலும் பிரித்வி ஷா இந்தியா கிரிக்கெட்டின் எதிர்கால வீரர் என கூறினேன் என்றார். 

பிரித்வி ஷா 14 முதல்தர ஆட்டங்களில் 1418 ரன்களை 7 சதங்களுடனும் 56,72 என்ற சராசரி வைத்துள்ளார் பிரித்வி ஷா.