Aug 24

இது மட்டும் என்னால் முடியவே முடியாது....சிம்ரனின் அதிரடி முடிவு!

இந்த் கேரக்டரில் மட்டும் தன்னால் நடிக்க முடியாது என சிம்ரன் திட்டவட்டமாக தெரிவித்துள்ளாராம். 

கார்த்திக் சுப்புராஜ் இயக்கத்தில் ரஜினிகாந்த் நடிக்கும் படத்தில் சிம்ரன் நடிப்பதை சன்பிக்சர்ஸ் நிறுவனம் உறுதி செய்துள்ளது. சன் பிக்சர்ஸ் நிறுவனம் தயாரிக்கும் இந்தப் படத்திற்கு அனிருத் இசையமைக்கிறார். மேலும், இப்படத்தில் ரஜினிகாந்திற்கு வில்லனாக விஜய் சேதுபதி நடிக்கிறார். 

இவர்களுடன் இணைந்து பாபி சிம்ஹா, சனந்த் ரெட்டி, மேகா ஆகாஷ் ஆகியோர் நடிக்கின்றனர். இதில், பாபி சிம்ஹா ரஜினியின் மூத்த மகனாகவும், சனந்த் ரெட்டி இளைய மகனாகவும் வருகின்றனர். மேகா ஆகாஷ், சனந்த் ரெட்டியின் ஜோடியாக நடிக்கிறார். 

காலா படத்தைத் தொடர்ந்து கார்த்திக் சுப்புராஜ் இயக்கத்தில் ரஜினிகாந்த் தனது அடுத்த படத்தில் பிஸியாக நடித்து வருகிறார். இதன் முதல் கட்ட படப்பிடிப்பு மேற்குவங்க மாநிலம் டார்ஜிலிங் பகுதியில் படமாக்கப்பட்டது.இதைத் தொடர்ந்து அடுத்தகட்ட படப்பிடிப்பு சென்னையில் நடக்க உள்ளது. இந்நிலையில், இப்படத்தில் சிம்ரன் நடிப்பதை சன் பிக்சர்ஸ் நிறுவனம் உறுதி செய்துள்ளது. 

முன்பு முன்னணி ஹிரோயினாக இருந்த சிம்ரன், தனது இரண்டாவது ரவுண்டை துவங்கியுள்ளார். சீமராஜா, துருவ நட்சத்திரம், ரஜினியின் படம் என கமிட்டாகியுள்ள சிம்ரன் அம்மாவாக மட்டும் நடிக்கவே முடியாது என திட்டவட்டமாக தெரிவித்துள்ளாராம்.