Jun 07

தினுசு தினுசா தோசை தின்னும் இந்தியர்கள்: ஆய்வில் தகவல்

இந்தியர்கள் விரும்பி உண்ணும் காலை உணவு தோசைதான் என்று ஆய்வு ஒன்றின் முடிவில் தெரியவந்துள்ளது.

இந்தியர்களிட் உணவுப் பழக்கம் பற்றி இணையதள உணவு விற்பனை நிறுவனமான ஸ்விக்கி ஆய்வு ஒன்றை நடத்தியது. சென்னை, டெல்லி, மும்பை, பெங்களூர், புனே உள்ளிட்ட எட்டு நகரங்களில் இந்த ஆய்வு நடத்தப்பட்டிருக்கிறது.12,000 உணவகங்களின் இணையதள உணவு ஆர்டர்களை ஆய்வு செய்த இந்த நிறுவனம், இந்தியர்கள் அதிகம் விரும்பிச் சாம்பிடுவது தோசை அல்லது மசாலா தோசைதான் என்று தெரிவித்துள்ளது.

டெல்லியில் சோலா பூரி, மும்பையில் பன் மஸ்கா, புனேயில் சபுதானா கிச்சடி ஆகியவை அதிகம் விற்பனையாகின்றன. இருப்பினும், தோசை இவற்றையெல்லாம் முந்தி, நாடு முழுவதும் அதிகமாக விற்கப்படுகிறதாம்.

தோசை இல்லையென்றால் அவல், பரோட்டா போன்றவற்றை ஆர்டர் செய்கிறார்கள். குறிப்பாக, பெங்களூரில் காலை வேளைகளில் தோசை மிக அதிகமாக ஆர்டர் செய்யப்படுகிறதாம். இதற்கு அடுத்த இடத்தில் இட்லி, வடை ஆகியவை இருக்கின்றன.

காலையில் உணவு விற்பனை வார நாட்களைக் காட்டிலும் சனி, ஞாயிற்றுக்கிழமைகளில் அதிகமாக உள்ளது.