Jun 07

கூகுள் ஹோமுக்கு ஆப்பு வைக்க வந்தாச்சு ஆப்பிள் ஹோம்பேட்!

கூகுள் நிறுவனத்தின் கூகுள் ஹோம் போன்ற வசதிகளுடன் ஹோம்பாட் என்ற புதிய கருவியை ஆப்பிள் நிறுவனம் அறிமுகம் செய்துள்ளது.

ஆப்பிள் நிறுவனத்தின் 2017ஆம் ஆண்டுக்கான டெவலப்பர்கள் மாநாடு செவ்வாய்க்கிழமை நடைபெற்றது. இதில் உலகம் முழுவதும் இருந்து ஐ.ஓ.எஸ். மென்பொருள் டெவலப்பர்கள் உள்ளிட்ட தொழில்நுட்ப வல்லுநர்கள் பங்கேற்றனர்.

இதில் ஆப்பிள் ஐமேக் கம்பியூட்டர், மேக் புக் லேப்டாப் உள்ளிட்ட பல புதிய கேஜெட்களையும் அப்ளிகேஷன்களையும் அந்நிறுவனம் அறிமுகம் செய்தது. அவற்றில் கூகுள் நிறுவனத்தின் கூகுள் ஹோமுக்கு போட்டியாக களமிறங்கப்பட்டுள்ளதுதான் ஆப்பிள் ஹோம்பாட் (HomePod).

ஆப்பிள் மியூசிக், ஆப்பிள் சிரி, ஐபோன், மேக் கம்பியூட்டர், ஆப்பிள் வாட்ச் போன்ற ஆப்பிள் கேஜெட்களின் வசதிகளை இதை பயன்படுத்தி குரல் மூலம் இயக்க முடியும். இதற்கான ஸ்மார்ட் ஸ்பீக்கரை கொண்டது ஹோம்பேட்.

இந்த ஹோம்பாட் வெள்ளை மற்றும் க்ரே நிறங்களில் கிடைக்கும்.

ஹோம் ஆட்டோமேஷன் (Home Automation) எனப்படும் தானியங்கி வசதிகளுடன் கூடிய வீட்ட உருவாக்குவதில் முதல் அடி எடுத்து வைத்திருக்கும் கூகுள் ஹோம் போல ஆப்பிள் நிறுவனமும் களமிறங்கியுள்ள கேஜெட் பிரியர்களை கவர்ந்துள்ளது.