Aug 23

இந்த விஷயத்துல கோலி அப்பிடியே சச்சின் மாதிரி தான்: ரவி சாஸ்திரி!

விளையாட்டு உணர்வு மற்றும் ஆர்வத்தில் கோலியை ஜாம்பவான் சச்சின் ஒருவருடன் தான் ஒப்பிட முடியும் என பயிற்சியாளர் ரவி சாஸ்திரி தெரிவித்துள்ளார். 

இங்கிலாந்து சென்றுள்ள இந்திய கிரிக்கெட் அணி இங்கிலாந்து அணிக்கு எதிராக 5 போட்டிகள் கொண்ட தொடரில் பங்கேற்கிறது. முதல் இரண்டு டெஸ்டில் இங்கிலாந்து அணி வெற்றது. 

இந்நிலையில் மூன்றாவது டெஸ்ட் போட்டியில் கட்டாயம் வென்றால் தான் இந்திய அணி தொடரை காப்பாற்ற முடியும் என்ற நிலையில் நட்டிங்ஹாமில் நடந்த டெஸ்டில் 203 ரன்கள் வித்தியாசத்தில் இங்கிலாந்தை வீழ்த்தியது. 

இதில் இந்திய அணி கேப்டன் விராட் கோலி தனது 23வது சதத்தை பூர்த்தி செய்து அணியின் வெற்றிக்கு கைகொடுத்தார். இந்நிலையில் இந்திய கேப்டன் கோலியின் விளையாட்டு உணர்வு மற்றும் ஆர்வத்தை ஜாம்பவான் சச்சின் ஒருவருடன் தான் ஒப்பிட முடியும் என பயிற்சியாளர் ரவி சாஸ்திரி தெரிவித்துள்ளார்.

இதுகுறித்து ரவி சாஸ்திரி கூறுகையில், ‘கிரிக்கெட்டில் கோலியின் ஆர்வம் என்பது எப்படிப்பட்டது என அனைவருக்கும் தெரியும். இவ்வளவு தொழில் தர்மத்துடன் வேறு ஒரு கிரிக்கெட் வீரரை நான் இதுவரை பார்த்ததே இல்லை. வெற்றிக்காக தயாராவதில் கோலியை சச்சின் ஒருவருடன் மட்டுமே ஒப்பிட முடியும். அதற்காக திட்டமிடுவதிலும் கோலி கில்லாடி.’ என்றார்.