Aug 23

சாம்சங் கேலக்ஸி நோட் 9 முன்பதிவில் சாதனை!

512GB மெமரி கொண்ட சாம்சங் கேலக்ஸி நோட் 9 மொபைலுக்கான முன்பதிவு புதிய சாதனையைப் படைத்துள்ளது என அந்நிறுவனம் தெரிவித்துள்ளது. 

சாம்சங் நிறுவனத்தின் கேலக்ஸி S9 மொபைலுக்கு அடுத்து புதிதாக வரவிருக்கும் மொபைல் கேலக்ஸி நோட் 9. இந்த மொபைலுக்கான முன்பதிவு இன்று தொடங்கியது. 

ஏராளமானவர்கள் ஆர்வத்துடன் மொபைலை புக் செய்வதால் முந்தைய கேலக்ஸி S9 மொபைலைவிட அதிக முன்பதிவு எண்ணிக்கையை இந்த மொபைல் பெற்றுள்ளது. கேலக்ஸி S9 இந்த ஆண்டு ஆரம்பத்தில் வெளியானது. 

இத்துடன் கேலக்ஸி நோட் 8 மொபைலைவிட 80% அதிகமாக கேலக்ஸி நோட் 9 அதிகமாக முன்பதிவாகியுள்ளது என அந்நிறுவனம் கூறுகிறது.அமெரிக்காவில் முன்பதிவு செய்தவர்களுக்கு இந்த மொபைல் ஆகஸ்ட் 24ஆம் தேதி கிடைக்கும் என்று கூறப்படுகிறது. 

512GB ROM மற்றும் 8GB RAM கொண்ட வேரியண்டிலும் 128GB ROM மற்றும் 6GB RAM கொண்ட வேரியண்டிலும் இந்த மொபைல் கிடைக்கும். விலை ரூ.68,100 முதல் ரூ.84,400 வரை இருக்கும்.