Aug 22

எல்லா பயலுகளும் போய் கோலி கிட்ட பாடம் படிங்க - இங்கிலாந்து பயிற்சியாளர் காட்டம்

இங்கிலாந்து வீரர்கள் எல்லாரும் போய் விராட் கோலி கிட்ட போய் பாடம் படிக்க வேண்டும். அப்படி ஒரு திறமையான வீரன் என இங்கிலாந்து பயிற்சியாளர் பால் பார்ப்ரேஸ் புகழ்ந்துள்ளார்.

இங்கிலாந்துக்கு சுற்றுப் பயணம் மேற்கொண்டுள்ளது. டி20 தொடரை இந்தியாவும், ஒருநாள் தொடரை இங்கிலாந்தும் வென்றன. இதைத் தொடர்ந்து டெஸ்ட் தொடர் நடைப்பெற்று வருகின்றன. 

முதல் 2 டெஸ்ட் போட்டிகளில் இங்கிலாந்து வென்று 2-0 என முன்னிலை வகிக்கின்றது. டெஸ்ட் தொடரில் இந்தியா நம்பர் 1 ஆக இருந்தாலும், இங்கிலாந்தில் தடுமாறியது. ஆனால் தற்போது நடைப்பெற்று வரும் 3வது டெஸ்ட் போட்டியில் இந்தியா வெற்றி உறுதி செய்யப்பட்டுள்ளது. 

சுத்த வீரன் விராட் :

இந்தியாவின் சிறப்பான செயல்பாட்டுக்கு அணித் தலைவர் விராட் கோலி தான் முக்கிய காரணம். இந்திய அணியின் மற்ற வீரர்கள் சொதப்பிய போதும் கூட தனி ஆளாக போராடினார். தற்போது அவருக்கு மற்ற வீரர்களின் ஒத்துழைப்பு சரியாக கிடைக்கவே மிக சிறப்பான ஆட்டத்தை வெளிப்படுத்துகிறது இந்திய அணி என இங்கிலாந்து உதவிப் பயிற்சியாளர் பால் பார்ப்ரேஸ் தெரிவித்துள்ளார்.

கிரிக்கெட் விளையாடுவது எப்படி என கற்றுக் கொள்ள விரும்பினால் அதற்கு மிக சிறந்த வீரன் விராட் கோலியிடம் கற்றுக் கொள்ளுங்கள். கோலியை போன்று சிறந்த பேட்ஸ்மேன் உங்களுக்கு வேறு யாரும் கற்றுத் தர மாட்டார்கள். 

கோலியை போன்று சூழலுக்கு ஏற்ப தங்களை மாற்றிக் கொண்டு விளையாட பழகிக் கொள்ளுங்கள். 

இங்கிலாந்தில் மிகச்சிறந்த ஸ்விங் பவுலர், மிகச்சிறந்த பேட்ஸ்மேன்கள் உள்ளனர். ஆனால் அவர்கள் எல்லாம் விராட் கோலி ஆகி விட முடியாது என பால் பார்ப்ரேஸ் தெரிவித்துள்ளார்.