Aug 22

எல்லா தீவிரவாதிகளுக்கும் நீங்க தான் புகலிடம் - பாகிஸ்தானை விளாசிய அமெரிக்கா

தீவிரவாதிகளின் புகலிடமாக பாகிஸ்தான் திகழ்வதாக அமெரிக்கா அதிருப்தி தெரிவித்துள்ளது. 

அமெரிக்காவின் வெளியுறவுத் துறை முதன்மை செயல் அதிகரியான அலைஸ் வெல்ஸ் ( Principal Deputy Assistant Secretary Alice Wells ) வாஷிங்டனில் செய்தியாளர்களிடம் பேசினார். 

அதில், “தீவிரவாதிகளின் முக்கிய புகலிடமாக பாகிஸ்தான் விளங்குகிறது. தீவிரவாதிகளுக்கு ஆதரவு தருவதை நிறுத்த வேண்டும். வரும் காலங்களில் பாகிஸ்தான் புதிதாக பிரதமர் பதவி ஏற்றுள்ள இம்ரான் கான் தீவிரவாத கட்டுப்படுத்தும் நடவடிக்கை எடுப்பார் என எதிர்பார்க்கிறோம். 

புதிய பிரதமர் இம்ரான் கான் அரசியல் செயல்பாடுகளை உற்றுநோக்கி கவனித்து வருகின்றோம்.

முன்னதாக ஆப்கானில் அமைதி நிலவ வேண்டும், எல்லைப் பிரச்னை அமைதியான முறையில் தீர்வு காண வேண்டும் போன்ற இம்ரான் கானின் கருத்துக்கள் வரவேற்கும் விதமாக உள்ளது. 

அதே சமயம் பாகிஸ்தானில் இயங்கும் தீவிரவாத அமைப்புகளை ஒடுக்க நடவடிக்கை எடுக்க வேண்டும்” என அலைஸ் வலியுறுத்தியுள்ளார்.