Aug 21

ஹைபிரிட் தொழில்நுட்பத்துடன் மாருதி சுசுகி சியாஸ் 2018 அறிமுகம்

ஹைபிரிட் தொழில்நுட்பம் கொண்ட மாருதி சுசுகியின் புதிய சியாஸ் 2018 கார் இன்று அறிமுகமாகியுள்ளது. 

மாருதி சுசுகி நிறுவனத்தின் அதிகம் எதிர்பார்க்கப்பட்ட சியாஸ் 2018 கார் இன்று அறிமுகமாகியுள்ளது. இந்த காருக்கு ரூ.11,000 கட்டணத்துடன் முன்பதிவு இந்த மாத தொடக்கத்தில் ஆரம்பமானது. 

முந்தைய மாடலில் இருந்த 1.4 லிட்டர் ஹைபிரிட் பெட்ரோல் இன்ஜினுக்குப் பதில் 1.5 லிட்டர் ஹைபிரிட் பெட்ரோல் இன்ஜின் இதில் உள்ளது. இந்த இன்ஜின் 13% கூடுதல் சக்தி வாய்ந்தது. 

இதன் பெட்ரோல் கார் லிட்டருக்கு 21.56 கி.மீ. மைலேஜ் கொடுக்கும் என்றும் டீசல் கார் லிட்டருக்கு 28.09 கி.மீ. மைலேஜ் கொடுக்கும் என்றும் தெரிவிக்கப்பட்டுள்ளது. சியாஸ் பெட்ரோல் கார்கள் லித்தியம் பேட்டரியுடன் ஹைபிரிட் தொழில்நுட்பத்தை உள்ளடக்கியவை. லித்தியம் பேட்டரி நீண்ட நாட்கள் நீடிப்பதாகவும் அளவில் சிறியதாகவும் இருக்கும்.

ஹூண்டாய் வெர்னா (1.6 லிட்டர் பெட்ரோல்), ஹோண்டா சிட்டி (1.5 லிட்டர் பெட்ரோல்) ஆகியவை இதே போன்ற அம்சங்கள் கொண்ட கார்களாக உள்ளன. இவற்றின் விலை ரூ.7.9 லட்சம் முதல் ரூ.8.77 லட்சம் வரை உள்ளன. ஆனால், மாருதி சுசுகியின் சியாஸ் 2018 காரின் ஆரம்ப விலையே ரூ.8.19 லட்சம். அதிகபட்ச விலை ரூ.10.97 லட்சம்.