Mar 15

மகிந்த ஊழல், மோசடி ஆணைக்குழுவுக்கு அழைப்பு!

முன்னாள் ஜனாதிபதி மஹிந்த ராஜபக்ஷவை நாளை வியாழக்கிழமை ஊழல், மோசடி விசாரணை ஆணைக்குழுவின் முன் ஆஜராகுமாறு அழைப்பாணை விடுக்கப்பட்டுள்ளது. 

2015ஆம் ஆண்டு ஜனாதிபதித் தேர்தலின்போது தனது பிரசார வேலைகளுக்காக தேசிய ரூபவாஹினி கூட்டுத்தாபனத்தைப் பயன்படுத்திய வகையில் அந்நிறுவனத்துக்குச் செலுத்தவேண்டிய 16 கோடி ரூபாவைச் செலுத்தத் தவறியுள்ளார் என்ற குற்றச்சாட்டின் கீழ் மஹிந்தவுக்கு எதிராக ஆணைக்குழுவில் செய்யப்பட்ட முறைப்பாடு தொடர்பில் விளக்கமளிப்பதற்காகவே அவருக்கு அழைப்பு விடுக்கப்பட்டுள்ளது.

அதனடிப்படையில் நாளை காலை 9.30இக்கு அவர் ஆணைக்குழுவின் முன் முன்னிலையாவார் என நெருங்கிய வட்டாரங்கள் தெரிவித்துள்ளன.