Jun 06

அடப்பாவிகளா இப்படியா தூங்குவீங்க! காட்டிக்கொடுத்த நக்கல் மன்னன் சேவக்

இங்கிலாந்தில் விட்டுவிட்டு மழை பெய்வதால் கிரிக்கெட் வர்ணனையாளர்களான கங்குலி, வார்னே ஆகியோர் தூங்குவதாக சேவக் தெரிவித்துள்ளார்.

இங்கிலாந்தில் மினி உலகக்கோப்பை என கருதப்படும், சாம்பியன்ஸ் டிராபி கிரிக்கெட் தொடர் நடக்கிறது.

இதில் இங்கிலாந்து, ஆஸ்திரேலியா, இந்தியா, தென் ஆப்ரிக்கா, நியூசிலாந்து, இலங்கை, பாகிஸ்தான், வங்கதேசம் உள்ளிட்ட 8 அணிகள் பங்கேற்கின்றன.இங்கிலாந்தில் நடந்து வரும் ஐசிசி சாம்பியன்ஸ் டிராபி தொடரின் கிரிக்கெட் வர்ணனையாளராக இந்தியாவின் விரேந்திர சேவம், சவுரவ் கங்குலி மற்றும் ஆஸ்திரேலியாவின் ஷேன் வார்னே ஆகியோர் ஈடுபட்டுள்ளனர்.இந்நிலையில், போட்டியின் நடுவே அவ்வப்போது விட்டுவிட்டு மழை குறுக்கிடுவதால் வர்ணனையாளர்கள் அங்கேயே ரெஸ்ட் எடுத்துக்கொண்டு பின்னர் மழை விட்டதும், மீண்டும் வரண்னை செய்ய தொடங்குகின்றனர்.

இதில், மழையின் போது வார்னே ஷோபாவில் தூங்குவதையும், கங்குலி தரையில் படுத்து தூங்குவதையும் நம்ம நய்யாண்டின் மன்னன் சேவக் தன்னுடைய செல்போனில் போட்டோ எடுத்து அதனை டுவிட்டரில் பதிவிட்டுள்ளார்.

அப்போது, எதிர்காலம் கனவு மூலமாக வடிவமைக்கப்படுகிறது. ஆனால், இந்த இரண்டு லெஜண்டுகளும், தங்களது நேரத்தை வீணடிக்காமல் கனவுகளை தொடர்ந்து கொண்டிருக்கிறார்கள் என்று டுவீட் போட்டுள்ளார்.