Aug 20

கேரள மக்களுக்காக பாடல் பாடிய இசைப்புயல் ஏ.ஆர் ரகுமான்

வெள்ள பாதிப்பால் தவிக்கும் கேரள மக்களுக்கு நம்பிக்கையூட்டும் வகையில், இசையமைப்பாளர் ஏ.ஆர். ரகுமான் இசை நிகழ்ச்சியில் பாடல் ஒன்றைபாடியுள்ளார்.

கேரளாவில் இந்த மாதம் ஆரம்பத்திலிருந்து பெய்த கனமழையால் வெள்ளப்பெருக்கு ஏற்பட்டு, மாநிலமே தீவு போல காட்சியளிக்கிறது. மழை வெள்ளம் மற்றும் நிலச்சரிவில் சிக்கி 300க்கும் மேற்பட்டோர் பலியாகியுள்ளனர். மழை வெள்ளத்தால் பாதிக்கப்பட்ட லட்சகணக்கான மக்கள் நிவாரண முகாமில் தங்கவைக்கப்பட்டுள்ளனர்.

தமிழகத்திலிருந்து கேரளாவிற்கு நிவாரண பொருட்கள் தினமும் சென்று கொண்டிருக்கிறது.கேரளாவிற்கு அண்டை மாநிலங்கள் நிதியுதவியை வழங்கி வருகிறது. இன்று காலை நிலவரப்படி சில இடங்களில் வெள்ளம் வடியத்தொடங்கியுள்ளது.

இந்நிலையில் இசையமைப்பாளர் ஏ.ஆர்.ரகுமான் சான்பிரான்சிஸ்கோவில் நடைபெற்ற இசை நிகழ்ச்சியில் கேரள மக்களுக்காக பாடல் ஒன்றை பாடியுள்ளார்.’முஸ்தப்பா முஸ்தப்பா என்ற பாடலை ’கேரளா கேரளா டோன்ட் வொரி கேரளா’ என்று பாடியுள்ளார். மேலும் இதனை தனது டுவிட்டர் பக்கத்தில் பதிவிட்டுள்ளார்.