Aug 18

பாகிஸ்தானின் 22வது பிரதமராக இம்ரான் கான் பதவியேற்றார்.!

பாகிஸ்தான் பிரதமரைத் தேர்ந்தெடுப்பதற்கான நாடாளுமன்ற வாக்கெடுப்பில், வெற்றி பெற்ற இம்ரான் கான், இன்று பிரதமர் பதவியேற்றார். 

பாகிஸ்தானில் 5 ஆண்டுகளாக நடைபெற்று வந்த ஆட்சி, கடந்த மே மாதம் முடிவுக்கு வந்தது. இதனையடுத்து, அங்கு சில வாரங்களுக்கு முன்பாக பொதுத் தேர்தல் நடைபெற்றது. 

இந்த தேர்தலில் நவாஸ் ஷெரீப்பின் பாகிஸ்தான் முஸ்லீம் லீக்-நவாஸ், முன்னாள் கிரிக்கெட் வீரர் இம்ரான் கானின் தெஹ்ரீக் இ-இன்சாப், முன்னாள் பிரதமர் பெனாசிர் பூட்டோவின் பாகிஸ்தான் மக்கள் கட்சி இடையே கடும் போட்டி நிலவியது.

அதில், பாகிஸ்தானின் முன்னாள் கிரிக்கெட் வீரரான இம்ரான் கானின் தெஹ்ரீக் இ-இன்சாப் கட்சி அதிகபட்ச இடங்களில் வெற்றி பெற்றது. இருப்பினும், ஆட்சியமைக்க போதுமான இடங்கள் இல்லாததால் மற்ற கட்சிகளுடன் கூட்டணி வைக்கும் முயற்சிகளில் அக்கட்சி ஈடுபட்டு வந்தது. 

இந்நிலையில், பாகிஸ்தான் பிரதமரைத் தேர்ந்தெடுக்கும் நாடாளுமன்ற வாக்கெடுப்பு நேற்று மாலை நடைபெற்றது. அதில், வெற்றி பெற 172 வாக்குகள் தேவைப்பட்ட நிலையில், இம்ரான் கானின் தெஹ்ரீக் இ-இன்சாப் கட்சி 176 வாக்குகளைப் பெற்று வெற்றியைப் பெற்றது. 

இந்நிலையில், பாகிஸ்தான் பிரதமரைத் தேர்ந்தெடுப்பதற்கான நாடாளுமன்ற வாக்கெடுப்பில், வெற்றி பெற்ற இம்ரான் கான், இன்று 22 வது பிரதமராக பதவியேற்றார்.