Aug 18

சண்டக்கோழி 2 படக்குழுவின் முக்கிய அறிவிப்பு

லிங்குசாமி இயக்கத்தில் விஷால் - கீர்த்திசுரேஷ், வரலட்சுமி நடிப்பில் உருவாகி வரும் சண்டக்கோழி-2 படத்தின் சிங்கிள் ரிலீஸ் குறித்த அறிவிப்பு வெளியாகி இருக்கிறது.

விஷால் தற்போது லிங்குசாமி இயக்கத்தில் `சண்டக்கோழி-2' படத்தில் நடித்து வருகிறார். விஷால் ஜோடியாக கீர்த்தி சுரேஷும், வில்லியாக வரலட்சுமி சரத்குமாரும் நடிக்கும் இந்த படத்தின் படப்பிடிப்பு இறுதிக்கட்டத்தை எட்டியிருக்கிறது.

விஷால் தனது சொந்த தயாரிப்பு நிறுவனமான விஷால் பிலிம் பாக்டரி மூலம் தயாரிக்கும் இந்த படத்திற்கு யுவன் ஷங்கர் ராஜா இசையமைக்கிறார். ராஜ்கிரன், சதீஷ், சூரி, ஹரீஷ் பேரடி, அப்பானி சரத், ஹரீஷ் சிவா உள்ளிட்ட பலரும் முக்கிய கதாபாத்திரத்தில் நடிக்கின்றனர்.

விஷாலின் 25-வது படமாக இந்த படம் உருவாகி வருகிறது. படத்தை விநாயகர் சதுர்த்தியை முன்னிட்டு அக்டோபர் 18-ல் ரிலீஸ் செய்ய இருப்பதாக படக்குழு அறிவித்துள்ளது. முன்னதாக படத்தின் முதல் சிங்கிள் வருகிற ஆகஸ்ட் 20-ஆம் தேதி வெளியாக இருப்பதாக படக்குழு அறிவித்துள்ளது.