Aug 17

ஆசிய விளையாட்டு: லியாண்டர் பயஸ் திடீர் விலகல்!

ஆசிய விளையாட்டு போட்டிகளில் இருந்து இந்திய நட்சத்திர டென்னிஸ் வீரர் லியாண்டர் பயஸ் விலகியுள்ளார். 

இந்தோனேஷியாவின் ஜகார்த்தா, பாலம்பெங் நகரத்தில் 18வது ஆசிய விளையாட்டு போட்டிகள் நடக்கவுள்ளது, வரும் ஆகஸ்ட் 18ல் துவங்கும் இப்போட்டிகள் செப்டம்பர் 2 ல் வரை நடைபெறவுள்ளது. இதில் 11,000 வீரர், வீராங்கனைகள் பங்கேற்கினர். 

ஆசியாவின் ஒலிம்பிக் கவுன்சிலில் இடம் இடம் பெற்றுள்ள இந்தியா, இலங்கை, சீனா, பாகிஸ்தான், தென் கொரியா உட்பட 45 நாடுகளைச் சேர்ந்த வீரர்கள் இதில் பங்கேற்கின்றனர். 

நட்சத்திர வீரர் .....இந்திய நட்சத்திர டென்னிஸ் வீரர் லியாண்டர் பயஸ், 45. இவர் இதுவரை ஆசிய போட்டிகளில் பங்கேற்று இந்தியாவுக்கு 8 பதக்கங்களை பெற்றுத்தந்துள்ளார். அதில் இரட்டையர் பிரிவில் கவ்ரவ் நடேகர் (1994). மகேஷ் பூபதி (2002, 2006) என மூன்று தங்கப்பதக்கங்களும் அடக்கம். திடீர் விலகல்: 

இந்நிலையில் இப்போட்டிகள் நாளை துவங்கவுள்ள நிலையில் இந்திய நட்சத்திர டென்னிஸ் வீரர் லியாண்டர் பயஸ் விலகியுள்ளார். 

இது தொடர்பாக அனைத்து இந்திய டென்னிஸ் கூட்டமைப்புக்கு அவர் அனுப்பியுள்ள இ-மெயிலில், ‘இரட்டையர் பிரிவு ஸ்பெஷலிஸ்ட் உடன் ஜோடி சேர்ந்து விளையாட விரும்புவதாகவும், அது தற்போதைக்கு சாத்தியமில்லாத ஒன்று. அதனால் ஜூனியர்களுக்கு வாய்ப்பு வழங்கும் நோக்கில் ஆசிய போட்டியில் இருந்து விலகுகிறேன்.’ என அதில் குறிப்பிட்டுள்ளார்.