Aug 17

கிரிக்கெட் கேப்டனை விராட் கோலியை வீழ்த்திய ஹாக்கி கேப்டன் சர்தார் சிங்!

ஆசிய விளையாட்டு போட்டியில் பங்கேற்க உள்ள ஹாக்கி அணியில் இடம்பெற்றுள்ள சர்தார் சிங், நான் தான் சிறந்த ஃபிட்னஸ் விளையாட்டு வீரர் என்பதை நிரூபித்துள்ளார். 

இந்திய கிரிக்கெட் கேப்டன் விராட் கோலி தன் பேட்டிங்கால் மட்டுமல்லாமல், தன் உடல் ஃபிட்னஸால் மிகவும் பிரபலமாக பேசப்படுபவர். 

இந்திய கிரிக்கெட் அணி வீரர்களிலேயே கேப்டன் விராட் கோலி தன் உடலை ஃபிட்டாக வைத்துள்ளதாகவும், அவர் கிரிக்கெட் அணியில் தகுதி பெற வைக்கப்படும் யோ-யோ பரிட்சையில் அதிகமான மதிப்பெண் வாங்கிய வீரர் என்ற பெருமையை பெற்றுள்ளார். 

கோலியை வீழ்த்திய சர்தார் :

இந்நிலையில் 18வது ஆசிய விளையாட்டுப் போட்டியில் பங்கேற்க, இந்திய ஹாக்கி அணிக்கு திரும்பியுள்ள முன்னாள் கேப்டன் சர்தார் சிங்கிற்கு, விளையாட்டு வீரர்களின் உடல் நிலையை சோதிக்கும் யோ-யோ பரிட்சை நடத்தப்பட்டது.இதில் சர்தார் சிங் 21.4 புள்ளிகளைப் பெற்று, இதற்கு முந்தைய சாதனையான 21.3 புள்ளி என்ற சதனையை முறியடித்துள்ளார். 

கோலி இந்த யோ-யோ பரிட்சையில் 21 புள்ளிகளைப் பெற்றுள்ளார். ஆனால் ஹாக்கி முன்னாள் கேப்டன் சர்தார் சிங்கோ 21.4 புள்ளிகளைப் பெற்று கோலிக்கு ஃபிட்னஸ் சவால் விடுத்துள்ளார்.உலகின் நம்பர் 1 பேட்ஸ் மேனாக இருக்கும் விராட் கோலியைப் போல, இந்திய ஹாக்கி அணியை முன்னாள் கேப்டன் சர்தார் சிறப்பாக வழிநடத்த வாழ்த்துவோம்.