Aug 17

சென்ராயனை லாக் செய்த ஐஸ்வர்யா, மும்தாஜ் முகத் திரையை கிழித்த மகத்!

பிக்பாஸ் நிகழ்ச்சியின் இன்றைய எபிசோட்டில், டாஸ்க்கின் போது சென்ராயன் தன்னை தாக்கியதாக ஐஸ்வர்யா அவருடன் சண்டையிட்டுள்ளார். 

பிக்பாஸ் வீட்டில் இந்த வாரம், பொம்மை செய்யும் டாஸ்க் லட்சுரி பட்ஜெட் டாஸ்க்காக வழங்கப்பட்டது. இந்த டாஸ்க்கிற்காக போட்டியாளர்கள் இரண்டு அணிகளாக பிரிக்கப்பட்டனர். 

அந்த டாஸ்க்கின் கடைசி நாளான இன்று, ஐஸ்வர்யா மற்றும் யாஷிகா இருவரும் மும்தாஜ் அணியிடமிருந்த பொம்மைகளை திருட முயற்சித்தனர். அப்போது, மும்தாஜ் அணியின் சென்ராயன் ஐஸ்வர்யாவை தடுக்க அவரது முடியை தெரியாமல் பிடித்து இழுக்க, அது மிகப்பெரிய பிரச்சனையாக வெடித்தது. 

அதன்பின், அனைவரும் பிக்பாஸ் வீட்டில் சுதந்திர தினம் கொண்டாடி, சுதந்திர தினத்தைப் பற்றியும், இந்தியாவைப் பற்றியும் பேசி, தங்கள் தேசப் பற்றை வெளிப்படுத்தினர்.இதையடுத்து, பொம்மை செய்யும் போட்டியில், அதிக பணம் வைத்திருந்த மும்தாஜ் அணி வெற்றி பெற்றதாக பிக்பாஸ் அறிவித்தார்.

அதன்பின், அந்த டாஸ்க்கில் சிறப்பாக விளையாடியவர்கள் என மும்தாஜ் அணியில் மகத்தும், பாலாஜி அணியில் யாஷிகாவும் தேர்ந்தெடுக்கப்பட்டனர். தேர்ந்தெடுக்கப்பட்ட இருவரும் அடுத்த வாரம் தலைவர் பதவிக்கு போட்டியிட நேரடியாக நாமினேட் செய்யப்பட்டனர். 

அதேபோல், டாஸ்க்கை நன்றாக விளையாடாத பாலாஜி மற்றும் சென்ராயன் இருவரும் அடுத்த வார எவிக்சனுக்கு நேரடியாக நாமினேட் செய்யப்பட்டனர். அதன்பின் மகத், அணித் தலைவர் மும்தாஜ் தன்னைத் தானே சிறப்பாக விளையாடியதாக நாமினேட் செய்ய இருந்தார் என கூறி அவருடன் சண்டையிட்டார். பின்னர் அவர்கள் இருவரும் ஒருவரையொருவர் குற்றம் சாட்டினர்.