Aug 17

வாஜ்பாய் மரணத்திற்கு சின்னப்பிள்ளை கண்ணீர் மல்க இரங்கல்

முன்னாள் பிரதமர் வாஜ்பாய் இயற்கை எய்திய செய்தி கேட்டு அதிர்ச்சி அடைந்ததாக மதுரையை சேர்ந்த சின்னப்பிள்ளை தெரிவித்துள்ளார். 

என் சேவைக்கு அங்கீகாரம் அளித்து சக்தி புரஸ்கார் விருது வழங்கியவர் வாஜ்பாய். அவர் மறைந்த செய்தியை கேட்டி அதிர்ச்சி அடைந்தேன். விருது வாங்கும் பொழுது என் சேவையை பாராட்டி அவர், திடீரென என் காலில் விழுந்து வணங்கியதை மறக்க முடியாத அனுபவம். என சின்னப்பிள்ளை தெரிவித்துள்ளார்.

கடந்த 1999ஆம் ஆண்டில் , இந்திய அரசு சமுதாயப் பணியில் சிறந்து விளங்கும் மகளிர்க்கு அளிக்கும் "ஸ்ரீ ஸ்திரீ சக்தி" விருதினை , அப்போது பிரதமராக இருந்த வாஜ்பாய் வழங்கியதோடு, அவருடைய பாதம் பணிந்தார். அன்றே பில்லுச்சேரி சின்னப்பிள்ளை யின் பெயரும் இந்தியா முழுமைக்கும் உச்சரிக்கப்பட்டது.

அதன்பிறகு தமிழக அரசு ஒரு லட்சம் ரூபாய் மதிப்புள்ள ”பொற்கிழி விருதும்”, தொழில் வாய்ப்பை ஏற்படுத்தியமைக்காக ”ஜானகிதேவி” விருதினையும், 2007 ஆம் ஆண்டு சமூக சேவைக்காக தூர்தர்ஷன் பொதிகை விருதினையும் பெற்றதோடு ,எளிமையான கிராமத்து பெண்ணாக இன்னமும் தன்னுடைய வாழ்க்கையை நடத்திவருகிறார் சின்னப்பிள்ளை.