Aug 16

வாஜ்பாய் உடல்நலம் குறித்து மருத்துவர்களிடம் நேரில் கேட்டறிந்தார் வெங்கையா நாயுடு

முன்னாள் பிரதமர் வாஜ்பாய் உடல்நிலை மிகவும் கவலைக்கிடமாக இருக்கும் நிலையில், அவரது உடல்நலம் குறித்து குடியரசு துணை தலைவர் வெங்கையா நாயுடு மருத்துவர்களிடம் நேரில் விசாரித்து சென்றுள்ளார்.

முன்னாள் பிரதமர் வாஜ்பாய் (93) உடல்நலக்குறைவு காரணமாக கடந்த ஜூன் மாதம் டெல்லி எய்ம்ஸ் மருத்துவமனையில் அனுமதிக்கப்பட்டார். அவரது உடல்நிலையை அவ்வப்போது, பிரதமர் மோடி, மூத்த மந்திரிகள் நேரில் சென்று விசாரித்து வருவார்கள்.

நேற்று வாஜ்பாய் உடல்நிலை மிகவும் மோசமாக உள்ளதாக மருத்துவமனை அறிக்கை வெளியிட்டுள்ளது. உயிர்காக்கும் கருவிகள் உதவியுடன் தொடர்ந்து சிகிச்சை அளிக்கப்பட்டு வருவதாகவும் தெரிவிக்கப்பட்டுள்ளது.இந்நிலையில், குடியரசு துணை தலைவர் வெங்கையா நாயுடு எய்ம்ஸ் மருத்துவமனைக்கு நேரில் சென்று, வாஜ்பாய்யின் உடல்நிலை குறித்து மருத்துவர்களிடம் கேட்டறிந்தார்.