Jun 05

'விக்ரம் வேதா' பட சிங்கிள் டிராக் வெளியீடு!

இயக்குனர்கள் புஷ்கர் - காயத்ரி இயக்கத்தில் விஜய் சேதுபதி மற்றும் மாதவன் இணைந்து நடிக்கும் 'விக்ரம் வேதா' திரைப்படத்தின் முதல் சிங்கிள் டிராக் வெளியாகியுள்ளது.

சமீபத்தில் இப்படத்தின் முதல் பார்வை மற்றும் டீசர் வெளியாகி ரசிகர்கள் மத்தியில் நல்ல வரவேற்பை பெற்றது. இந்நிலையில், இப்படத்தின் முதல் சிங்கிள் டிராக் பாடலான 'டசக்கு டசாக்கு' பாடல் வெளியாகியுள்ளது இப்லைபாடலை நடிகர் சித்தார்த் தனது டுவிட்டர் பக்கத்தில் வெளியிட்டுள்ளார்.கிரைம் திரில்லர் படமாக உருவாகி வரும் 'விக்ரம் வேதா' படத்தில் விக்ரமாதித்யன் கதாப்பாத்திரத்தில் காவல்துறை அதிகாரியாக மாதவனும், வடசென்னை கேங்க்ஸ்டராக வேதா கதாப்பாத்திரத்தில் விஜய் சேதுபதியும் நடித்துள்ளனர்.

ஒய் நாட் ஸ்டூடியோஸ் தயாரிப்பில் புஷ்கர்-காயத்ரி இயக்கும் இப்படத்தில் வரலக்ஷ்மி சரத்குமார், ஷ்ரத்தா ஸ்ரீநாத், ஜான் விஜய், பிரேம், கதிர் உள்ளிட்டோர் இணைந்து நடித்துள்ளனர். விரைவில் இப்படத்தை வெளியிட படக்குழு திட்டமிட்டு வருகிறது.