Aug 16

கவலைக்கிடமான நிலையில் வாஜ்பாய்- உயிர் காக்கும் உபகரணங்கள் மூலம் சிகிச்சை

முன்னாள் பிரதமரான வாஜ்பாயின் உடல்நிலை மிகவும் கவலைக்கிடமாக உள்ளதாகவும், அவருக்கு உயிர் காக்கும் மருத்துவ உபகரணங்களின் மூலம் சிகிச்சை அளிக்கப்பட்டு வருவதாகவும் தெரிவிக்கப்பட்டுள்ளது. 

இந்தியாவின் முன்னாள் பிரதமர் அடல் பிகாரி வாஜ்பாய், முதுமை காரணமாக அரசியலிருந்து ஓய்வு பெற்றார். அரசியல் நிகழ்ச்சிகளில் மட்டும் பங்கேற்று வந்த அவருக்கு திடீரென உடல்நலக்குறைவு ஏற்பட்டது. இந்நிலையில் கடந்த 2 மாதங்களுக்கு முன்பு, சிறுநீரக தொற்று நோய் காரணமாக டெல்லி எய்ம்ஸ் மருத்துவமனையில் சிகிச்சைக்காக அனுமதிக்கப்பட்டார். 

மேலும் அவரது உடல்நலம் குறித்து பிரதமர் அலுவலகம் தொடர்ந்து கேட்டு வருகிறது. அவ்வப்போது ஏற்ற இறக்கத்துடன் காணப்படும் அவரது உடல் நிலையில் மிகவும் பின்னடைவு ஏற்பட்டது. எனினும் தொடர்ந்து அளிக்கப்பட்ட சிகிச்சையின் காரணமாக, ஓரளவு உடல்நிலை சீராக இயங்குவதாக தெரிவிக்கப்பட்டது. இந்நிலையில், அவரின் உடல்நிலை மிகவும் கவலைக்கிடமாக உள்ளதாக எய்ம்ஸ் மருத்துவமனை அறிக்கை வெளியிட்டுள்ளது.

அந்த அறிக்கையில், அவருக்குத் தற்போது உயிர் காக்கும் உபகரணங்கள் மூலம் சிகிச்சை அளிக்கப்பட்டு வருவதாகவும் தெரிவிக்கப்பட்டுள்ளது. இதனிடையே, பிரதமர் மோடி, முன்னாள் பிரதமர் வாஜ்பாய் உடல்நிலை குறித்து விசாரிக்க எய்ம்ஸ் மருத்துவமனைக்கு சென்றுள்ளார். அங்கு அவர் மருத்துவர்களிடம், வாஜ்பாயின் உடல்நிலை குறித்து விசாரித்ததாக கூறப்படுகிறது.