Aug 15

மஸ்கெலியா - குடா மஸ்கெலியா பகுதியில் ஏற்பட்ட மண்சரிவு

மஸ்கெலியா - குடா மஸ்கெலியா பகுதியில் ஏற்பட்ட மண்சரிவினால் ஒரு வீட்டின் ஒரு பகுதி முற்றாக சேதமடைந்துள்ளது. 

குறித்த வீட்டில் வாழ்ந்து வந்த நான்கு பிள்ளைகளின் தந்தை கடும் காயங்களுக்கு உள்ளாகி மஸ்கெலியா வைத்தியசாலையில் அனுமதிக்கப்பட்டு மேலதிக சிகிச்சைக்காக டிக்கோயா கிளங்கன் வைத்தியசாலையில் அனுமதிக்கப்பட்டுள்ளதாக மஸ்கெலியா பொலிஸார் தெரிவித்தனர்.

 மத்திய மலை நாட்டில் கடந்த சில தினங்களாக பெய்து  வரும் கடும் மழை காரணமாக இந்த மண்சரிவு ஏற்பட்டுள்ளது.

 குறித்த பிரதேசத்தில் மண்சரிவு அபாயம் காரணமாக அம்பகமுவ பிரதேச செயலாளரின் அறிவுறுத்தலுக்கு அமைய 05 வீடுகளைச் சேர்ந்த 23 பேர் உறவினர்களின் வீடுகளில் தங்க வைப்பதற்கான நடவடிக்கைகள் எடுக்கப்பட்டுள்ளதாக கிராம சேவகர் சிவலிங்கம் பூவேந்தன் தெரிவித்தார்.

 பாதிக்கப்பட்டவர்களுக்கு தேவையான சமைத்த உணவு மற்றும் அத்தியவசிய பொருட்களை பெற்றுக்கொடுக்க தேவையான அறிவுறுத்தல்களையும் பிரதேச செயலாளர் தனக்கு வழங்கியுள்ளதாக தெரிவித்தார்.