Aug 13

வவுனியா சமணகுளம் பகுதியில் சடலத்தின் எச்சங்கள் மீட்பு

வவுனியா சமணகுளம் சுடுகாட்டுப் பகுதியிலிருந்து சடலம் ஒன்றின் எச்சங்கள் நேற்று (12) பொலிசாரினால் மீட்கப்பட்டுள்ளது.

வவுனியா சமணகுளம் சுடுகாட்டில் உடல் ஒன்றை தகனம் செய்யச் சென்றவர்கள் வழங்கிய தகவலின் அடிப்படையில் சடலம் ஒன்றின் எச்சங்களை பொலிசார் மீட்டுள்ளனர். சடலத்தின் எச்சங்கள் காணப்பட்ட இடத்திலுள்ள மரம் ஒன்றில் கயிறு கட்டப்பட்டுள்ளதுடன் சடலம் அழுகி பல நாள் சென்றுள்ள நிலயில், மண்டையோடு மாத்திரமே மீட்கப்பட்டுள்ளது.

இறந்தவர் என சந்தேகிக்கப்படுபவரின் ஆடைகள், பாதணி மற்றும் சில ஆவணங்களும் பொலிசாரினால் மீட்கப்ட்டுள்ளன. மீட்கப்பட்ட ஆவணத்தில் பி. முத்தையா உப்புக்குளம் வயது 60 என்ற தகவலைக் கொண்ட வைத்தியசாலை மருந்து பற்றுச்சீட்டு ஒன்றும் மீட்கப்ட்டுள்ளது.

அதற்கமைய, மேலதிக விசாரணைகளை வவுனியா சிதம்பரபுரம் பொலிசார் மேற்கொண்டுள்ளனர்.