Aug 13

Episode 57: கிராம பஞ்சாயத்தை வலியுறுத்திய கமல்: அவுட்டாகிய பொன்னம்பலம்!

நேற்றைய பிக் பாஸ் 2 நிகழ்ச்சியிலிருந்து நடிகர் பொன்னம்பலம் வெளியேற்றப்பட்டுள்ளார். 

வரும் 15ம் தேதி 72வது சுதந்திரதினம் கொண்டாப்படுகிறது. அன்று கிராம பஞ்சாயத்து கூடும் தினம் என்று பிக் பாஸ் 2 நிகழ்ச்சியில் கமல் ஹாசன் கூறியுள்ளார். அதாவது, குடியரசுத் தினம், காந்தி ஜெயந்தி, சுதந்திர தினம் மற்றும் உழைப்பாளர் தினம் ஆகிய 4 நாட்களில் கிராமந்தோறும், கிராம சபைக் கூட்டம் கூட்ட வேண்டிய நாள் என்று அவர் தெரிவித்துள்ளார். 

தொடர்ந்து முதல் முறையாக பிக் பாஸ் வீட்டிற்குள் சென்று எலிமினேஷனை நடத்தியுள்ளார். கமலைப் பார்த்தவுடன் போட்டியாளர்கள் அப்படியே மெய் மறந்துள்ளனர். அவருக்கு மும்தாஜ் காபி போட்டுக் கொடுத்துள்ளார்.

அப்போது, தன்னுடைய எலிமினேஷனை தானே பார்த்து தெரிந்து கொள்ளும் விதமாக பொன்னம்பலம் அதனை தெரிந்து கொண்டு அனைவருக்கும் நன்றி சொல்லிவிட்டு வெளியேறினார். உள்ளே, ஒவ்வொருவரது சொந்த ஊர்களைப் பற்றி கமல் தெரிந்து கொண்டார் என்பது குறிப்பிடத்தக்கது.

நிகழ்ச்சி தொடங்குவதற்கு முன்பு, வஞ்சபுகழ்ச்சி அணி செய்ய வைத்து வேடிக்கைப் பார்த்தார். வெளியேறிய பொன்னம்பலத்திடம் கமல் ஹாசன் நிறைய கேள்வி எழுப்பினார். ஸ்டண்ட் காட்சிகள் பற்றியும் பொன்னம்பலம் செய்து காட்டினார். அவருக்கு உதவியாக கமல் ஹாசன் இருந்தார் என்பது குறிப்பிடத்தக்கது.