Jun 04

பெற்றோர்கள் பிள்ளைகளை புரிந்து கொள்ள வேண்டும்: சுட்டிக்காட்டும் ஸ்ரீதேவியின் மாம் டிரைலர்

ஸ்ரீதேவியின் மாம் டிரைலர் வெளியாகி ரசிகர்களிடையே அமோக வரவேற்பு பெற்று வருகிறது.

தமிழ் சினிமாவில் நடிகை ஸ்ரீதேவி காலூன்றி 50 வருடங்கள் ஆகிவிட்டது. 1967ம் ஆண்டு ஜூலை 7ல் துணைவன் என்ற படத்தின் மூலம் குழந்தை நட்சத்திரமாக அறிமுகமானார். அதன் பிறகு தமிழ், மலையாளம், கன்னடம், தெலுங்கு, ஹிந்தி என்று அனைத்து மொழிகளிலும் கிட்டத்தட்ட 300 படங்களில் நடித்துள்ளார்.

இறைவன் அனைத்து இடங்களிலும் இருக்க முடியாது என்பதற்காகத்தான் தாயை படைத்தான் என்ற பழமொழியை அடிப்படையாகக் கொண்டு பாலிவுட்டில் ஸ்ரீதேவின் மாம் படம் உருவாகி வருகிறது. இது இவரது 300வது படம் என்பது குறிப்பிடத்தக்கது. இப்படத்தில் பெற்றோர்கள் தங்களது குழந்தைகளுக்கு அறிவுரை வழங்குவதை விட அவர்களை புரிந்துகொள்ள முயற்சிக்க வேண்டும் என்ற ரோலில் ஸ்ரீதேவி நடித்து வருகிறார்.

பாகிஸ்தான் நடிகை சாஜல் அலி ஸ்ரீதேவியின் மகளாக நடித்துள்ளார். இப்படத்திற்கு ஏ.ஆர். இசையமைத்துள்ளார். ரவி உத்யவார் இயக்கத்தில், ஸ்ரீதேவின் கணவர் போனிகபூர் தயாரிப்பில் உருவாகியுள்ள மாம் படத்தின் தமிழ் டிரைலர் வெளியாகி ரசிகர்களிடையே அமோக வரவேற்பு பெற்றுள்ளது குறிப்பிடத்தக்கது.