Aug 08

உங்களை கண்ணீரோடு வழியனுப்பி வணங்குகின்றோம் - கருணாநிதி மறைவுக்கு தனுஷ் இரங்கல்

திமுக தலைவர் கருணாநிதி நேற்றுமாலை 6.10 மணியளவில் காலமானார். இவரது மறைவுக்கு அரசியல் தலைவர்கள், சினிமா பிரபலங்கள், தொண்டர்கள், பொதுமக்கள் உள்ளிட்ட பலரும் ஆழ்ந்த இரங்கலை தெரிவித்து வருகிறார்கள். 

இந்நிலையில், நடிகர் தனுஷ் ‘வஞ்சிக்கப்பட்ட தமிழனை, சுயமரியாதை சூரியனால் சுட்டெரித்து புடம் போட்ட தங்கமாக மாற்றிய கலைச்சூரியனே! பராசக்தி மூலமாக அரசியல் அறியவைத்து, எங்களைப்போன்ற பாமர்களுக்கும் திரைத்துறையின் கதவை எட்டி உதைத்து திறந்து வைத்த கலைஞரே! உங்களை கண்ணீரோடு வழியனுப்பி வணங்குகின்றோம்’ என்று கூறியிருக்கிறார்.