Aug 07

நெசவாளர்களுக்காக களமிறங்கிய கோலியின் மனைவி அனுஷ்கா சர்மா!

தேசிய கைத்தறி தினத்தை முன்னிட்டு பாலிவுட் நடிகை அனுஷ்கா சர்மா நெசவாளர்களுக்காக நாடு முழுவதும் பயணம் செய்ய இருக்கிறார். 

கைத்தறித் தொழிலை மேம்படுத்தி, கைத்தறி நெசவாளர்களின் பெருமையை உயர்த்திட வேண்டும் என்ற நோக்கத்தில், ஒவ்வொரு ஆண்டும் ஆகஸ்டு மாதம் 7ம் தேதி தேசிய கைத்தறி தினம் கடைபிடிக்கப்பட்டு வருகிறது.

அந்த வகையில், இன்று தேசிய கைத்தறி தினத்தை முன்னிட்டு பாலிவுட் நடிகையும், இந்திய கிரிக்கெட் அணியின் கேப்டன் விராட் கோலியின் மனைவியுமான அனுஷ்கா சர்மா நெசவாளர்களுக்காக நாடு முழுவதும் இன்று பயணம் மேற்கொள்கிறார்.

பாலிவுட்டில் முன்னணி நடிகைகளில் ஒருவராக இருக்கும் அனுஷ்கா சர்மா நடிப்பில் உருவாகியுள்ள சுய்தாகா மேட் இன் இந்தியா என்ற படம் வரும் செப்டம்பர் மாதம் வெளியாகவுள்ளது.

இதில், அனுஷ்கா சர்மாவுடன் இணைந்து வருண் தவான் நடித்துள்ளார். இப்படத்தில், அனுஷ்கா சர்மா தையல் வேலைப்பாடு செய்பவராகவும், வருண் தவான் தையல்காரராகவும் நடித்துள்ளனர். நெசவாளர்கள் பற்றிய படம் என்பதால், தேசிய கைத்தறி (நெசவாளர்) தினத்தை முன்னிட்டு இன்று முதல் விளம்பர பணிகளை தொடங்கவுள்ளனர்.