Aug 07

காவேரி மருத்துவமனைக்கு மத்திய அமைச்சர் நிதின் கட்காரி வருகை

கருணாநிதியின் உடல்நிலையை அறிய மத்திய அமைச்சர் நிதின் கட்காரி காவேரி மருத்துவமனைக்கு வந்துள்ளார். 

திமுக தலைவர் கருணாநிதியின் உடல், வயது மூப்பின் காரணமாக நலிவடையத் தொடங்கியுள்ளது. கடந்த சில தினங்களுக்கு முன், திடீரென ரத்த அழுத்தம் குறைந்ததால், உடனே சென்னை காவேரி மருத்துவமனையில் அனுமதிக்கப்பட்டார். அங்கு தீவிர சிகிச்சை அளிக்கப்பட்டு வந்தது. 

கடந்த 10 நாட்களாக காவேரி மருத்துவமனையில் சிகிச்சை பெற்று வரும் கருணாநிதியின் உடல் நிலை தேறி வருவதாக கூறப்பட்டது. இந்நிலையில் நேற்று அவரின் உடல்நிலை மீண்டும் பின்னடைவு அடைந்துள்ளதாக தகவல் வெளியானது. 

இந்நிலையில் இன்று காவேரி மருத்துவமனை வெளியிட்ட அறிக்கையில், “கருணாநிதியின் உடல் நிலை தொடர்ந்து மோசமாகியுள்ளதாகவும், முக்கிய உடல் பாகங்கள் சீராக இயங்குவதில் பிரச்னை என காவேரி மருத்துவமனை அறிக்கை வெளியிட்டுள்ளது. மேலும் கருணாநிதியின் உடல்நிலை 24 மணிநேரம் கண்காணித்து தான் அடுத்த நிலை குறித்து சொல்ல முடியும்” என மருத்துவர்கள் தெரிவித்துள்ளனர்.

கருணாநிதியின் உடல்நிலையை அறிந்துகொள்ள மத்திய சாலை போக்குவரத்து மற்றும் நெடுஞ்சாலை அமைச்சர் நிதின் கட்காரி காவேரி மருத்துவமனைக்கு வந்துள்ளார். அவருடன் தமிழக பாஜக தலைவர் தமிழிசையும் உடன் வந்துள்ளார்.