Aug 04

மலிவு விலையில் சியோமி ஃபியூஷன் போன் அறிமுகம்

இந்தியாவில் மலிவு விலையில் ஸ்மார்ட்போன்களை விற்பனை செய்தே பிரபலமான சியோமி தற்சமயம் க்வின் 1 மற்றும் க்வின் 1 எஸ் ஃபீச்சர்போன்களை அறிமுகம் செய்துள்ளது. யுபின் எனும் கிரவுட்ஃபன்டிங் தளம் மூலம் புதிய மொபைல் போன்களை சியோமி அறிமுகம் செய்துள்ளது.

வழக்கமான ஃபீச்சர் போன் போன்றில்லாமல், சியோமி மொபைலில் மேம்படுத்தப்பட்ட ல்மார்ட் அம்சங்கள் வழங்கப்பட்டுள்ளது. செயற்கை நுண்ணறிவு மூலம் இயங்கும் ரியல்-டைம் மொழி மாற்றம் செய்யும் வசதியை இந்த மொபைல் போன்கள் கொண்டுள்ளது. இதன் க்வின் 1எஸ் மாடலில் 4ஜி கனெக்டிவிட்டி கொண்டுள்ளது.

சியோமி க்வின் 1 மற்றும் க்வின் 1எஸ் ஸ்மார்ட்போன்களில் 17 மொழிகளை சப்போர்ட் செய்யும் வசதி, மெஷின் லெர்னிங் சார்ந்து இயங்கும் மொழி மாற்றம் செய்யும் வசதி வழங்கப்பட்டுள்ளது. இத்துடன் பில்ட்-இன் இன்ஃப்ராரெட் பிளாஸ்டர் வழங்கப்பட்டுள்ளது. இதனால் மொபைலை சர்வதேச ரிமோட் போன்று பயன்படுத்தலாம். 

கருப்பு மற்றும் வெள்ளை என இரண்டு நிறங்களில் கிடைக்கும் சியோமி க்வின் 1 மற்றும் க்வின் 1எஸ் ஸ்மார்ட்போன்களின் விலை CNY 199 (இந்திய மதிப்பில் ரூ.1,990) மன நிர்ணயம் செய்யப்பட்டுள்ளது.