Aug 03

விமானநிலையத்தில் மம்தாகட்சி எம்.பி., க்கள் போலீசார் இடையே தள்ளுமுள்ளு

என்.ஆர்.சி.க்கு எதிராக பிரசாரம் செய்ய அசாம் வந்த மம்தா கட்சி எம்.எல்.ஏ.க்கள் மற்றும் எம்.பி.க்கள் விமான நியைத்திலேயே சிறைபிடிக்கப்பட்டனர். அசாமில் என்.ஆர்.சி. எனப்படும் தேசிய குடிமக்கள் பதிவேடு வரைவு பட்டியல் வெளியிடப்பட்டது.

இதில் 40 லட்சம் பேர் நாட்டை வெளியேற்றப்படலாம் என பரவலாக பேசப்பட்டது.இதற்கு மேற்குவங்க திரிணாமுல் காங். முதல்வர் மம்தா பானர்ஜி கடும் எதிர்ப்பு தெரிவித்து சர்ச்சை கருத்தை தெரிவித்தார்.

இந்நிலையில் மம்தா கட்சியைச் சேர்ந்த பெண் எம்.எல்.ஏ. உள்பட 2 எம்.எல்.ஏ.க்கள் மற்றும் 6 எம்.பி.க்கள் என்.ஆர்.சிக்கு எதிராக பிரசாரம் செய்ய அசாம் சென்றனர். அவர்கள் சில்சார் விமான நிலையத்தில் வந்திறங்கிய போது போலீசார் அவர்களை தடுத்து நிறுத்தி அங்கேயே சிறைபிடித்தனர். இதனால் விமான நிலையத்தில் போலீசாருக்கும், மம்தா கட்சி எம்.பி.க்கள்,எம்.எல்.ஏ.க்களிடையே தள்ளுமுள்ளு ஏற்பட்டதால் பரபரப்பு ஏற்பட்டது.

என்.ஆர்.சி. விவகாரத்தில் 2005-ம் ஆண்டு லோக்சபாவில் மம்தா பானர்ஜி, அநாகரீகமாக நடந்து கொண்டதை சுட்டிகாட்டி இப்போது அவர் இரட்டை வேடம் போடுவதாக குற்றச்சாட்டு எழுந்துள்ளது.

கடந்த 2005-ம் ஆண்டு லோக்சபா எம்.பி., யாக இருந்த மம்தா பானர்ஜி பார்லி.யில் ஒத்தி வைப்பு தீர்மானம் கொண்டு வந்தார்.அதில் மேற்குவங்கத்திற்குள் வங்கதேசத்தவர்களின் சட்டவிரோத ஊடுருவல்கள் பேரிடராக மாறியிருக்கிறது. இந்தியர்கள் மற்றும் வங்கதேசத்தவர்களின் வாக்காளர் பட்டியல் என்னிடம் உள்ளது.

எனது தீர்மானத்தின் மீதான விவாதம் எப்போது எடுத்துக் கொள்ளப்படும் என கேள்வியெழுப்பினார். தீர்மானம் விவாத்திற்கு எடுத்துக் கொள்ளப்படாததால், ஆத்திரமடைந்த மம்தா கையில் வைத்திருந்த தீர்மான நகல்களை துணை சபாநாயகர் சரண்ஜித் சிங் அத்வாலே மீது வீசி ஏறிந்து விட்டு அங்கேயே தமது ராஜினாமா கடித்தை வழங்கினார்.

தீர்மான நகல்களை மம்தா வீசியெறிந்த வீடியோ காட்சி சமூக வலைதளங்களில் வைரலாகியுள்ளது. இதன் மூலம் வங்கதேசத்திலிருந்து சட்டவிரோதமாகக் குடியேறியவர்களுக்கு அப்போது எதிராக இருந்த மம்தா இப்போது ஆதரவாக கருத்து தெரிவித்து நேர்மாறாக பேசுவது 2019-ம் பொதுத்தேர்தலில் ஓட்டு வங்கிக்காகவும், பிரதமர் நாற்காலியை குறி வைத்து தான் என மம்தா பானர்ஜி மீது காங். உள்ளிட்ட கட்சிகள் விமர்சித்து வருகின்றன.